الماتىلىق قۇتقارۋشىلار تۇرعىندارعا تاۋعا شىقپاۋعا كەڭەس بەردى
الماتى. KAZINFORM - اۋا رايىنىڭ ناشارلاۋىنا بايلانىستى توتەنشە جاعدايلار دەپارتامەنتى تۇرعىندارعا تاۋعا شىقپاۋعا كەڭەس بەردى.
«26-27-قىركۇيەك كۇندەرى نوسەر جاڭبىر جاۋىپ، تاۋلى وزەندەردە سۋ دەڭگەيى كوتەرىلەدى. الماتى قالاسىنىڭ اۋماعىنا ىرگەلەس تاۋ بوكتەرى مەن اۋدانداردا، سۋ تاسقىنى بولۋى مۇمكىن. وسىعان بايلانىستى قالا قوناقتارى مەن تۇرعىنداردى تاۋعا شىقپاۋعا شاقىرامىز»، - دەپ حابارلادى قالالىق توتەنشە جاعدايلار دەپارتامەنتىنەن.
سونداي- اق 112 قىزمەتىنىڭ SMS حابارلامالارى مەن ب ا ق- تاعى اقپاراتقا سالعىرت قاراماۋعا كەڭەس بەرىلدى.
وسىعان دەيىن سينوپتيكتەر 26-قىركۇيەكتە باتىس قازاقستاندا 2 گرادۋس اياز بولاتىنى تۋرالى ەسكەرتكەن ەدى.
«سولتۇستىك-باتىس انتيتسيكلون جىراسى ق ر كوپ بولىگىنە كوبىنەسە جاۋىن- شاشىنسىز، سالقىن اۋا رايىن اكەلەدى. تەك ەلىمىزدىڭ وڭتۇستىگىندە، وڭتۇستىك- شىعىسىندا اتموسفەرالىق فرونتالدى بولىمدەردىڭ اسەرىنەن نايزاعايمەن جاڭبىر، جەكەلەگەن اۋدانداردا قاتتى جاڭبىر جاۋادى. تاۋلى ايماقتاردا دا جاۋىن-شاشىن، كەي ۋاقىتتاردا قار ارالاس جاڭبىر جاۋادى. رەسپۋبليكا بويىنشا جەل كۇشەيەدى، تۇنگى جانە تاڭەرتەڭگى ۋاقىتتا تۇمان تۇسەدى»، - دەلىنگەن قازگيدرومەت تاراتقان اقپاراتتا.
