الماتىلىق قۇتقارۋشىلار قوستاناي وڭىرىنە كومەككە اتتاندى
الماتى. KAZINFORM - الماتى قالالىق ت ج د-نىڭ ءورت ءسوندىرۋ جانە اپاتتىق-ۇتقارۋ جۇمىستارى قىزمەتىنىڭ كۇشتەرى مەن قۇرالدارىنىڭ جەدەل توبى (56 قىزمەتكەر) ۇلتتىق ۇلاننىڭ اۋە بورتىمەن قوستاناي وڭىرىنە ۇشتى.
الماتى ت ج د باستىعى پولكوۆنيك نۇرلان اتىعايەۆ جەكە قۇرامنىڭ دايىندىعىن تەكسەرىپ، نۇسقاما جۇرگىزدى. اۋە بورتىنا سۋ سورۋ قۇرالدارى، قاجەتتى اپاتتىق- قۇتقارۋ جابدىقتارى، ارنايى سۋ وتكىزبەيتىن كوستيۋمدەر، بايلانىس قۇرالدارى مەن ءجۇزۋ قۇرالدارىن تيەۋ جۇمىستارى جۇرگىزىلدى.
«قۇتقارۋشىلار سۋ باسقان ءوڭىردىڭ قاۋىپتى ۋچاسكەلەرىندە بارلىق قاجەتتى كومەكتى كورسەتەدى. جەكە قۇرامعا ازاماتتاردىڭ ءومىرى مەن دەنساۋلىعىن قورعاۋ بويىنشا ءوز بورىشىن ءمىنسىز ورىنداۋدى تاپسىرامىن»، - دەدى ت ج د باستىعى نۇرلان اتىعايەۆ.
ەسكە سالساق، بۇعان دەيىن 31-ناۋرىزدا الماتىلىق قۇتقارۋشىلار «ۆوروشيلوۆ» سۋ قويماسى بوگەتىنىڭ جارىلۋى سالدارىنان بولعان قاۋىپتى جويۋ بويىنشا وبلىستاعى ارىپتەستەرىنە كومەككە جىبەرىلگەن بولاتىن.
سونداي-اق الماتىلىقتاردىڭ بۇگىن اتىراۋ وبلىسىنا گۋمانيتارلىق كومەك جىبەرگەنىن حابارلاعانبىز.
اۆتور
دۋمان ارعىنگەلدى
