الماتىلىق جۇرگىزۋشىلەرگە ەكى اي بۇرىنعى ايىپپۇلدار كەلىپ جاتىر

الماتىلىق جۇرگىزۋشىلەرگە جول ەرەجەسىنە قاتىستى ەكى اي بۇرىنعى ايىپپۇلدار كەلە باستاعان. سەبەبى «سەرگەك» كامەرالارى جۇرگىزۋشىلەردىڭ ەكى اي بۇرىنعى جول ەرەجەسىنە قاتىستى زاڭبۇزۋشىلىقتارىن تىركەگەن. 

قالالىق پوليتسيا دەپارتامەنتى بۇل جاعدايدىڭ سەبەبىن ءتۇسىندىردى، - دەپ حابارلايدى ماسساگەت.

ۆەدومستۆونىڭ مالىمەتىنشە، اكىمشىلىك قۇقىق بۇزۋشىلىق تۋرالى كودەكس نورمالارىنا سايكەس، قۇقىق بۇزۋشىلىق جاسالعان كۇننەن باستاپ اكىمشىلىك جاۋاپكەرشىلىككە تارتۋ مەرزىمى - ەكى اي.

«ەگەر جۇرگىزۋشى ەكى اي ىشىندە ايىپپۇل تۋرالى ءتيىستى تۇردە حاباردار ەتىلسە جانە ايىپپۇل تولەۋ قاجەت ەكەنى تۋرالى تالاپ قويىلسا، بۇل تالاپ مىندەتتى تۇردە ورىندالۋى ءتيىس»، - دەپ ءتۇسىندىردى ۆەدومستۆو وكىلدەرى.

ايتا كەتەيىك، جىل باسىنان بەرى الماتى جولدارىندا اۆتوماتتى تۇردە 3,8 ميلليون جول ەرەجەسىن بۇزۋ وقيعاسى تىركەلگەن.

ەسكە سالايىق، بۇعان دەيىن 2024 -جىلى قانشا الماتىلىق VIP ءنومىر ساتىپ العانى تۋرالى جازعان ەدىك.

«ازاماتتارعا ارنالعان ۇكىمەت» مالىمەتىنشە، 010، 020، 030، 040، 050، 060، 070، 077، 080, 090 جانە 707 كومبيناتسيالارى - ەڭ تانىمال نومىرلەر. ولاردىڭ باعاسى 57 اەك بولادى.

ەداۋىر قىمبات نومىرلەر، مىسالى، 001، 002، 003، 004، 005، 006، 007، 008، 009 سياقتى نومەرلەردى 777285 ا ە ك-كە باعالانادى.

جىل باسىنان بەرى الماتىدا 5039 دانا VIP ءنومىر ساتىلعان. بىلتىر 5415 ءنومىر ساتىلعان بولاتىن.

«كەيبىر ادامدار VIP نومىرلەردىڭ باعاسىن «ازاماتتارعا ارنالعان ۇكىمەت» قويادى دەپ قاتە ويلايدى. بۇل سالىق كودەكسىمەن رەتتەلەتىنىن جانە ساتۋدان تۇسكەن بارلىق قاراجات مەملەكەتتىك قازىناعا تۇسەتىنىن اتاپ وتكىم كەلەدى»، - دەدى №1 مامانداندىرىلعان حالىققا قىزمەت كورسەتۋ ورتالىعىنىڭ باسشىسى اسەت تۇرعىمبايەۆ.

ايتا كەتەيىك، VIP نومىرلەردى مامانداندىرىلعان ح ق ك و نەمەسە ەلەكترون ۇكىمەت پورتالى ارقىلى ساتىپ الۋعا بولادى. قىزمەت الماتىدا بەس جۇمىس كۇنى ىشىندە ۇسىنىلادى.

بيىل قالاداعى مامانداندىرىلعان ح ق ك و-دا 863324 كولىك تىركەلىپ، 116741 جۇرگىزۋشى كۋالىگى بەرىلگەن.