الماتىلىق دومبىراشىلار زارداپ شەككەن وڭىرلەرگە كومەك جيناعان تۇرعىندارعا كۇيمەن العىس ءبىلدىردى
الماتى. KAZINFORM - الماتىدا 100 دومبىراشى سۋ تاسقىنىنان زارداپ شەككەن وڭىرلەرگە كومەك جيناعان قالا تۇرعىندارى ءۇشىن ەرەكشە فلەشموب وتكىزدى.
دومبىراشىلار اشىق اسپان استىندا كۇيلەردى ورىنداپ، ونەرى ارقىلى قالا تۇرعىندارىنا قولداۋ كورسەتتى. كۇيشىلەر كەرەمەت تۋىندىلار تۇرعىنداردىڭ رۋحىن كوتەرىپ، جىگەر سىيلايتىنىنا سەنىمدى.
«ءبىز مۇنداي جاعدايدان شەت قالا المايمىز، ەرىكتىلەر رەتىندە دە قاتىسامىز، سونىمەن بىرگە ءوز ەموتسيامىز بەن قولداۋىمىزدى ونەرىمىز ارقىلى كورسەتەمىز. سوندىقتان حالىقتى جىگەرلەندىرۋ، قۋاتتاندىرۋ جانە قولداۋ ءۇشىن قازاق كۇيلەرىن ورىنداۋدى ۇيعاردىق. ءبىزدىڭ حالقىمىز ءارقاشان بىرەۋدىڭ قاسىرەتىنە بەي-جاي قارامايتىن، تابيعاتقا ۇلكەن قۇرمەتپەن قارايتىن، تازالىق پەن ءتارتىپتى باعالايتىن. ونىڭ ۇستىنە ءقازىر قالا تۇرعىندارى اۋقىمدى ەكولوگيالىق جوباعا قاتىسىپ، ازاماتتىق بەلسەندىلىك تانىتا الادى»، - دەدى «الاتاۋ» فولكلورلىق انسامبلىنىڭ جەتەكشىسى تۇرسىناي پازىل.
اتالعان فلەشموبقا «الاتاۋ» فولكلورلىق انسامبلىنىڭ دومبىراشىلارى مەن جاس تالانتتار قاتىستى.
ايتا كەتەيىك، تابيعي اپاتتان زارداپ شەككەن اتىراۋ وبلىسىنىڭ تۇرعىندارىنا الماتىلىقتار 30 توننادان استام گۋمانيتارلىق كومەك جينادى. ونىڭ ىشىندە 12 توننا ازىق-تۇلىك، شامامەن 10 توننا كيىم، 7,2 توننادان استام گيگيەنالىق زاتتار، 2 توننادان استام تۇرمىستىق زاتتار، 200 كەلىدەن استام ءدارى-دارمەك جانە ت. ب. كومەك جينالدى. بۇل باعىتتاعى جۇمىس جالعاسىپ جاتىر.
ەسكە سالساق، قالادا «الماتى - ءبىزدىڭ ورتاق ءۇيىمىز» ناۋقانى ءوتىپ جاتىر. بۇل رەتتە قالا تۇرعىندارى ءوز اۋلاسىنىڭ اۋماعىنا كوشەت وتىرعىزا الادى، سونداي-اق، 20-ساۋىردە وتەتىن قالالىق سەنبىلىككە قاتىسا الادى.
اۆتور
دۋمان ارعىنگەلدى
