الماتىلىق دارىگەرلەر جۇكتى ايەلگە كۇردەلى وپەراتسيا جاسادى

الماتى. KAZINFORM - قالالىق №8-كلينيكالىق اۋرۋحانا دارىگەرلەرى جۇكتىلىگى 5 ايدان اسقان ايەلدىڭ جاتىرىنا كۇردەلى وپەراتسيا جاسادى.

اۋرۋحانا باسپا ءسوز قىزمەتىنەن ءمالىم ەتكەندەي، 36 جاستاعى الماتىلىق ايەلگە العاش سكرينينگ جاساعاندا جاتىر قۋىسىندا كولەمى 10 س م بولاتىن جىنىس بەزى انىقتالعان.

«ەكىنشى سكرينينگ كەزىندە بەزدىڭ 11 س م دەيىن ۇلعايعانى بەلگىلى بولدى. ونىڭ ونكولوگيالىق اۋرۋعا اينالىپ كەتۋ قاۋپى جوعارى بولعاندىقتان، جۇكتى كەلىنشەك حيرۋرگيالىق ەمدەۋ ءۇشىن پورتال ارقىلى №8-قالالىق كلينيكالىق اۋرۋحاناعا جىبەرىلدى. مۇندا سول جاق انالىق بەزگە سيستەكتوميا جاساۋ ماقساتىندا لاپاروسكوپيالىق ارالاسۋ جاسالدى. وتا ءساتتى ءوتىپ، ناۋقاس گينەكولوگتىڭ باقىلاۋىندا بولۋ ۇسىنىسىمەن ۇينە شىعارىلدى»، - دەيدى الماتى №8-قالالىق كلينيكالىق اۋرۋحاناسىنىڭ گينەكولوگيا بولىمشەسىنىڭ مەڭگەرۋشىسى دميتري ساي.

جۇكتى كەلىنشەك بالاسىن امان-ەسەن ومىرگە اكەلگەنگە دەيىن دارىگەرلەردىڭ ءجىتى باقىلاۋىندا بولادى.

اۆتور
الما مۇقانوۆا