الماتىلىق دارىگەرلەر جاڭا تۋعان «قۇيىرشىقتى نارەستەگە» وتا جاسادى

ота
Фото: Фото: Алматы қаласы денсаулық сақтау басқармасы

الماتى قالالىق بالالار شۇعىل مەديتسينالىق كومەك كورسەتۋ ورتالىعىنىڭ دارىگەرلەرى دەنساۋلىعىندا تۋابىتتى كىناراتى بار نارەستەگە وتا جاسادى، سابيدە قۇرساقتا جاتقاندا قۇيىمشاق نەگىزىندە ىسىك پايدا بولعان، دەپ حابارلايدى Kazinform.

الماتى قالالىق دەنساۋىق ساقتاۋ باسقاماسى ءمالىم ەتكەندەي، پاتولوگيانىڭ بۇل ءتۇرى قاتەرسىز، ءبىراق ءسابي ءومىرىنىڭ العاشقى ايلارىندا قاتەرلى ىسىككە اينالۋ قاۋپى بولدى.

نارەستەنىڭ دۇنيەگە كەلگەنىنە نەبارى 12 كۇن، ول تۋعاننان كەيىن ەكىنشى كۇنى پەرزەنتحانادان اۋرۋحاناعا جەتكىزىلدى.

«بالا قۇيىمشاق نەگىزىندە ورنالاسقان سەگىزكوز-قۇيىمشاق تەراتوماسىمەن دۇنيەگە كەلدى. بۇل نەوناتالدى كەزەڭدەگى بالالاردا جيى كەزدەسەتىن ىسىك. ىسىكتىڭ ولشەمى 10x8 سانتيمەتر، ارالاس ءپىشىندى. تۋعاننان كەيىنگى ءۇشىنشى كۇنى نارەستەگە وتا جاسالدى، ىسىك تولىعىمەن جويىلدى، بالانىڭ جاعدايى قاناعاتتانارلىق، ول ۇيگە شىعۋعا دايىندالىپ جاتىر»، - دەيدى ءىرىڭدى-كەۋدە حيرۋرگياسى بولىمشەسىنىڭ مەڭگەرۋشىسى ساماتبەك مىرزاحمەت.

دارىگەردىڭ سوزىنشە، ورتالىقتا ايىنا 100 گە جۋىق جاڭا تۋعان نارەستەگە وتا جاسايدى.

«ءاربىر اتا-انا مۇنداي اۋرۋدىڭ سەبەبىن بىلگىسى كەلەدى، تۋا بىتكەن كەمىستىككە ىشكى جانە سىرتقى فاكتورلار، ەكولوگيا، كليمات، تۇقىم قۋالاۋشىلىق، جۇقپالى اۋرۋدىڭ بارلىق ءتۇرى اسەر ەتەدى. دامۋ كەمىستىگىنىڭ ايقىن سەبەپتەرىنىڭ ءبىرى جۇكتى كەزىندە ايەل ۆيرۋستىق ينفەكسيامەن اۋرعان»، - دەيدى دارىگەر.

سوڭعى جاڭالىقتار