الماتىلىق دارىگەرلەر بەس كۇندە وتىز كۇردەلى وپەراتسيا جاسادى

ота
Фото: Pixabay

الماتى. KAZINFORM - كارديولوگيا جانە ىشكى اۋرۋلار عىلىمي-زەرتتەۋ ينستيتۋتىنىنىڭ دارىگەرلەرى رەسەيلىك ارىپتەستەرمەن بىرلەسىپ كۇردەلى جۇرەك ىرعاعىنىڭ بۇزىلۋىن ەمدەۋگە ارنالعان قۇرىلعىنىڭ كومەگىمەن وپەراتسيالار جاساپ جاتىر.

«ءبىز الىس جانە جاقىن شەتەلدەردىڭ كوپتەگەن مەديتسينالىق ورتالىقتارىمەن جانە كلينيكالارىمەن ىنتىماقتاستىقتامىز. جەتەكشى رەسەيلىك مامانمەن بىرلەسكەن وپەراتسيالار جۇرگىزە وتىرىپ، عزي دارىگەرلەرى ۇلكەن تاجىريبە الۋدا. سەرگەي نيكولايەۆيچ جۇرەكشە فيبريللياتسياسى بار ەمدەلۋشىلەردە راديوجيىلىكتى كاتەتەرلىك ابلياتسيا پروتسەدۋراسىنىڭ تيىمدىلىگىن ارتتىرۋعا مۇمكىندىك بەرەتىن ءادىسنامالىق تاسىلدەردى ازىرلەدى. بۇل ادىستەر حالىقارالىق جانە ۇلتتىق كلينيكالىق ۇسىنىستارعا ەنگىزىلدى. پروفەسسور ارتەمەنكوعا وپەراتسيالاردى كاسىبي قولداعانى ءۇشىن العىسىمدى بىلدىرگىم كەلەدى»، - دەيدى ينستيتۋتتىڭ باسقارما ءتوراعاسى مارات پاشيموۆ.

اپتانىڭ سوڭىنا دەيىن جۇرەكشەلەر فيبريللياتسياسى جانە باسقا دا كۇردەلى ەكتوپيكالىق وشاقتارى بار ناۋقاستارعا وتا جاسالادى. ەلىمىزدىڭ باسقا كلينيكالارىندا بىرنەشە رەت قايتالاپ وتا جاسالعان ناۋقاستار بار.

ماسەلەن، كۇردەلى اريتميامەن 63 جانە 54 جاستاعى ەكى ناۋقاسقا وپەراتسيا جاسالدى. ولاردىڭ ەكەۋى دە قوزعالماسا دا سەزىلەتىن جۇرەك سوعىسىنىڭ جيىلىگى، فيزيكالىق جۇكتەمە كەزىندە ەنتىگۋ، جالپى السىزدىككە شاعىمداندى.

تەكسەرىلۋ بارىسىندا ولاردىڭ اريتميانىڭ پاتولوگيالىق وشاقتارى جۇرەكتىڭ وتكىزگىش جۇيەسىندە ونىمەن «ءقاۋىپتى» جاقىندىقتا ورنالاسقانى انىقتالدى.

مەديتسينا ماماندارىنىڭ جوعارى بىلىكتىلىگىنىڭ، جوعارى تەحنولوگيالىق جابدىقتىڭ جانە پاتسيەنتتەردى ءتيىستى دايارلاۋدىڭ ارقاسىندا وپەراتسيالار ءساتتى ءوتتى.

كلينيكانىڭ اريتمولوگتارى شەتەلدىك ارىپتەسىنىڭ باقىلاۋىمەن ءار ءتۇرلى جاستاعى كۇردەلى جۇرەك اۋرۋلارى بار ناۋقاستارعا بەس كۇندە 30 وپەراتسيا جاسادى.

سوڭعى جاڭالىقتار