الماتىداعى كوشكىن: قيراعان ءۇي استىندا قالعان 3 ادامنىڭ دەنەسى تابىلدى
الماتى. KAZINFORM - الماتىدا لاي كوشكىنى سالدارىنان قيراعان ءۇي ءۇيىندىسىنىڭ استىندا قالعان بارلىق ادامنىڭ دەنەسى تابىلدى.
«قۇتقارۋشىلار وقيعا ورنىنان 1984 -جىلى تۋعان ەر ادام مەن 1980 -جىلى تۋعان ايەلدىڭ جانە 2007 -جىلعى ەكى جاس جىگىتتىڭ دەنەسىن شىعاردى»، - دەپ حابارلادى قالالىق ت ج د.
توتەنشە جاعدايلار مينيسترلىگىنىڭ پسيحولوگتارى مارقۇمداردىڭ تۋىستارى مەن كورشىلەرىنە جەدەل پسيحولوگيالىق كومەك كورسەتۋدە.
بۇعان دەيىن الماتى قالاسى توتەنشە جاعدايلار دەپارتامەنتى مەن رەسپۋبليكالىق جەدەل-قۇتقارۋ جاساعىنىڭ كۇشتەرى ءۇيىندى استىنان ءبىر ەر ادامنىڭ دەنەسىن تاپقانى تۋرالى جازعان بولاتىنبىز.
كەيىن مەدەۋ اۋدانىنىڭ اكىمى ەركەبۇلان ورازالين لاي باسىپ قالعان ۇيدە ەرلى-زايىپتى مەن 2007 -جىلى تۋعان ەگىز ۇلدارى تۇرعانىن ايتتى.
ەستەرىڭىزگە سالا كەتەيىك، 8-اقپاندا مەدەۋ اۋدانىنىڭ «تاۋ سامالى» شاعىن اۋدانىنداعى وليمپيسكي كوشەسى بويىندا تەحنوگەندىك سيپاتتاعى توپىراقتىڭ لايلانۋى سالدارىنان لاي كوشكىنى بولدى.
