الماتىداعى جەر سىلكىنىسىنەن زارداپ شەككەندەر تۋرالى مالىمەت تىركەلمەگەن

  الماتى. KAZINFORM - الماتىداعى جەر سىلكىنىسى كەزىندە عيماراتتاردىڭ قيراۋى مەن زارداپ شەككەندەر تۋرالى اقپارات تۇسكەن جوق. بۇل تۋرالى قالالىق توتەنشە جاعدايلار دەپارتامەنتىنەن ءمالىم ەتتى.

«عيماراتتاردىڭ قيراۋى مەن زارداپ شەككەندەر تۋرالى اقپارات تۇسكەن جوق. تىنىشتىق ساقتاۋلارىڭىزدى سۇرايمىز. قاۋىپسىزدىك ماقساتىندا كەلەسى ەسكەرتۋگە دەيىن دالاعا شىعۋ كەرەك»، - دەدى الماتى قالالىق توتەنشە جاعدايلار دەپارتامەنتىنىڭ باسشىسى نۇرلان اتىعايەۆ.

ايتا كەتەيىك، بۇعان دەيىن الماتىدا 4 بالدىق جەر سىلكىنىسى سەزىلگەنىن جازعان ەدىك.

توتەنشە جاعدايلار مينيسترلىگىنە قاراستى «س ت ا ك» ج ش س- نىڭ سەيسميكالىق ستانسالار جەلىسى الماتى ۋاقىتىمەن 23-قاڭتار كۇنى 00 ساعات 09 مينۋتتا جەر سىلكىنىسىن تىركەدى. جەراستى ءدۇمپۋى الماتىدان وڭتۇستىك- شىعىسقا قاراي 264 شاقىرىم جەردە، قازاقستان مەن قىرعىزستان شەكاراسى اۋماعىندا بولدى.

ەنەرگەتيكالىق ساناتى - 15.1. MPV تەربەلىسى - 6.7. تەرەڭدىگى - 65 ك م.

جەر سىلكىنىسى الماتىدا 4 بال دەڭگەيىندە (MSK-64 شكالاسى بويىنشا) سەزىلدى.

الماتى قالاسى توتەنشە جاعدايلار دەپارتامەنتىنىڭ مالىمەتىنشە، ءوزارا ءىس-قيمىل الگوريتمى بويىنشا ءتيىستى مەملەكەتتىك ورگاندارعا حابار بەرىلدى. تىرشىلىكتى قامتاماسىز ەتۋ وبەكتىلەرىنىڭ جۇمىسىنا مونيتورينگ جۇرگىزىلىپ جاتىر.