الماتىداعى جەر سىلكىنىسى: شىڭعىس ءارىنوۆ پرەزيدەنتكە ت ج م اتقارىپ جاتقان جۇمىستار تۋرالى باياندادى
استانا. KAZINFORM – ق ر پرەزيدەنتى قاسىم-جومارت توقايەۆقا توتەنشە جاعدايلار ءمينيسترى شىڭعىس ءارىنوۆ الماتىداعى جەر سىلكىنىسىنە بايلانىستى ۆەدومستۆونىڭ اتقارىپ جاتقان جۇمىستارى تۋرالى باياندادى، دەپ حابارلايدى ق ر پرەزيدەنتىنىڭ كەڭەسشىسى - باسپا ءسوز حاتشىسى بەرىك ءۋالي فەيسبۋكتەگى پاراقشاسىندا.
شىڭعىس ءارىنوۆتىڭ ايتۋىنشا، مەملەكەت باسشىسىنىڭ تاپسىرمالارىنا نەگىزدەلگەن ءىس-قيمىلدار الگوريتمى ءوز دەڭگەيىندە ورىندالدى. قازىر قالاداعى جاعداي قالىپتى، بارلىق ءتيىستى مەكەمەلەر بەكىتىلگەن جوسپارعا سايكەس جۇمىس ىستەپ جاتىر.
پرەزيدەنت مينيسترگە مەگاپوليس تۇرعىندارىنىڭ اماندىعىن ساقتاۋ جانە الماتىداعى جاعدايدى باقىلاۋدى قامتاماسىز ەتۋ ءۇشىن قالا اكىمى ەربولات دوسايەۆپەن، سونداي-اق قالاداعى بارلىق جاۋاپتى مەكەمەلەرمەن تىعىز قارىم-قاتىناستا جۇمىس ىستەۋدى جالعاستىرۋدى تاپسىردى.
