الماتىداعى جاپپاي توبەلەس: پوليسيا قىلمىستىق ءىس قوزعادى
الماتى. KAZINFORM - جاڭا جىل ءتۇنى الماتىدا توبەلەس بولدى، پوليسيا بۇزاقىلىق بابى بويىنشا ءىس قوزعادى.
پوليسيا دەپارتامەنتىنىڭ مالىمەتىنشە، جاڭا جىل ءتۇنى الماتىداعى جوعارى وقۋ ورىندارىنىڭ بىرىندە وقيتىن شەتەلدىك ستۋدەنتتەر اراسىندا ءدامحانالاردىڭ بىرىندە جانجال شىعىپ، ول جاپپاي توبەلەسكە ۇلاستى.
التى قاتىسۋشى ۇستالىپ، مەدەۋ اۋداندىق پوليسيا باسقارماسىنا جەتكىزىلدى.
- ولاردىڭ ءارقايسىسىنىڭ ارەكەتىنە قۇقىقتىق باعا بەرىلەدى. ولاردىڭ ءبارى ۋاقىتشا ۇستاۋ يزولياتورىنا قامالدى. بۇزاقىلىق بابى بويىنشا قىلمىستىق ءىس قوزعالدى. باسقا ءمان-جايلار انىقتالىپ جاتىر، - دەپ حابارلادى قالالىق پوليتسيا دەپارتامەنتىنىڭ باسپا ءسوز قىزمەتىنەن.
بۇگىن عىلىم جانە جوعارى ءبىلىم ءمينيسترى ساياسات نۇربەك الماتىدا جانجال شىعارعان 6 ءۇندىستاندىق ستۋدەنت دەپورتاتسيالاناتىنىن جەتكىزگەن ەدى.
