الماتىداعى جاڭا، ەرەكشە جولاق نەنى بىلدىرەدى؟
الماتى كوشەلەرىنىڭ بىرىندە جاڭا جولاق پايدا بولدى. بۇل قالا تۇرعىندارىن تاڭعالدىردى.

الماتى اكىمدىگىنىڭ باسپا ءسوز قىزمەتى مالىمەتىنشە، تىلەنديەۆ كوشەسى بويىمەن اباي داڭعىلىنان تولە ءبي كوشەسىنە دەيىن جولاقتار سىزىلىپ جاتىر.
«تاجىريبە رەتىندە بۇل ۋچاسكەدە رەتتەلمەيتىن جاياۋ جۇرگىنشىلەر وتكەلدەرىنىڭ الدىنداعى جول اپاتىن بولدىرماۋ ءۇشىن زيگزاگ تاڭباسى قولدانىلدى. بۇل جولاق ق ر جول قوزعالىسى ەرەجەلەرىندە كورسەتىلمەگەن. ول كولىك جۇرگىزۋشىلەردىڭ جاياۋ جۇرگىنشىلەر وتكەلىنە جاقىنداپ كەلە جاتقانىن ءبىلدىرۋ ءۇشىن قولدانىلادى. سونىمەن قاتار، مۇنداي سارى جولاق بۇل ۋچاسكەدە باسىپ وزۋعا، كەرى جۇرۋگە، وسى ايماقتا قايتا بۇرىلۋعا بولمايتىنى تۋرالى قوسىمشا دابىل رەتىندە قىزمەت ەتەدى. كورسەتىلگەن ەكسپەريمەنت وڭ ناتيجە بەرگەن جاعدايدا رەتتەلمەيتىن جاياۋ جۇرگىنشىلەر وتكەلدەرى اۋدانىندا زيگزاگ تاڭباسىن قولدانۋ بويىنشا جۇمىستار جالعاستىرىلادى»، - دەلىنگەن اكىمدىك حابارلاماسىندا.
اكىمدىك وكىلدەرى جۇرگىزۋشىلەردىڭ ءبارى دەرلىك جولاققا نازار اۋدارا بەرمەيتىنىن، سالدارىنان جول اپاتى بولاتىنىن جەتكىزدى.
ايتا كەتەيىك، ەڭ تانىمال زيگزاگ تاڭباسى 1970-جىلداردان باستاپ الدىمەن ۇلى بريتانيادا، سودان كەيىن باسقا ەلدەردە قولدانىلا باستادى. جولدارداعى ەرەكشە جولاقتار باسقا جول بەلگىلەرىنە قاراعاندا ءتيىمدى بولىپ شىققان. ويتكەنى ول جاياۋ جۇرگىنشىلەر مەن كولىك يەلەرىنىڭ قاۋىپسىزدىگىن ارتتىرۋعا كومەكتەستى.
Massaget.kz