الماتىدا زاڭسىز سالىنعان تاعى ءبىر عيمارات بۇزىلدى

сүрілді
فوتو: الماتى اكىمدىگى

الماتى. KAZINFORM - الماتىدا قايرات شاعىناۋدانى داۋلەتكەرەي كوشەسى، 61- ءۇي مەكەنجايىندا ءىرى كۇردەلى قۇرىلىس بۇزىلدى. مەنشىك يەسى نىساندى رۇقساتسىز سالعان.

الماتىنىڭ قالا قۇرىلىسىن باقىلاۋ باسقارماسىنىڭ مالىمەتىنشە، جوسپاردان تىس تەكسەرۋ ناتيجەسى بويىنشا باسقارما مەنشىك يەسىنە قاتىستى قۇرىلىس- مونتاج جۇمىسىن توقتاتا تۇرۋعا جانە ۋچاسكەنى باستاپقى قالپىنا كەلتىرۋگە نۇسقاما بەرگەن.

сүру
فوتو: الماتى اكىمدىگى

الايدا، مەنشىك يەسى تالاپتى ورىندامادى، وسىعان بايلانىستى ءىس سوتقا جولداندى.

«2024 -جىلى 27-ناۋرىز كۇنى تۇركسىب اۋداندىق سوتىنىڭ شەشىمىمەن باسقارمانىڭ تالابى قاناعاتتاندىرىلدى. سوت شەشىمىن ورىنداۋ ءۇشىن مەنشىك يەسى نىساندى ءوز ەركىمەن بۇزدى»، - دەپ حابارلادى باسقارمادان.

сүру
فوتو: الماتى اكىمدىگى

ايتا كەتەيىك، بىلتىردان بەرى قالا بويىنشا 35 زاڭسىز نىسان بۇزىلدى.

сүру
فوتو: الماتى اكىمدىگى

ونىڭ ىشىندە بيزنەس ورتالىقتار، مەيرامحانالار، قوسالقى عيماراتتار مەن اۆتوسەرۆيستەر، سونداي-اق «مەچتا» جانە KHAN سياقتى ءىرى تۇرعىن ءۇي كەشەندەرى بار.

сүру
فوتو: الماتى اكىمدىگى

 

اۆتور
الما مۇقانوۆا

سوڭعى جاڭالىقتار