الماتىدا زاڭسىز سالىنعان كوپقاباتتى ءۇي بۇزىلىپ جاتىر

الماتى. KAZINFORM - الماتىدا سوت شەشىمىمەن ءىرى قۇرىلىس نىسانىن بۇزۋ جۇمىستارى باستالدى.

В Алматы сносят еще один незаконный объект
Фото: акимат Алматы

وڭىردەگى قالا قۇرىلىسىن باقىلاۋ باسقارماسى ءمالىم ەتكەندەي، چەرنوۆيتسكايا كوشەسى,10 مەكەنجايىندا ورنالاسقان ءۇش قاباتتى ءۇيدى بۇزۋ جۇمىستارى باستالدى.

- مەنشىك يەسى (جەكە تۇلعا) قۇرىلىسقا رۇقسات قۇجاتتارىنسىز كىرىسكەن - ساۋلەت- جوسپارلاۋ تاپسىرماسى (س ج ت)، ەسكيزدىك جوبا كەلىسىمى، جوبا ساراپتاماسى جانە قۇرىلىس- مونتاج جۇمىستارىنىڭ باستالعانى تۋرالى حابارلاما بولماعان. تۇرعىننىڭ ءوتىنىشى بويىنشا جوسپاردان تىس تەكسەرىس ناتيجەسىندە مەنشىك يەسىنە قاتىستى اكىمشىلىك شارا قابىلداندى، - دەپ حابارلادى باسقارمادان.

كەيىن الماتى قالاسىنىڭ جەتىسۋ اۋداندىق سوتى باسقارمانىڭ تالاپ- ارىزى نەگىزىندە زاڭسىز سالىنعان ءۇش قاباتتى تۇرعىن ءۇيدى بۇزۋ تۋرالى شەشىم شىعاردى. نىسان مەنشىك يەسىنىڭ ەرىكتى تۇردە، سوت ورىنداۋشىلارىنىڭ قاتىسۋىمەن بۇزىلىپ جاتىر.

وسىعان دەيىن الماتىدا 1350 شارشى مەتردەن استام سالىنىپ جاتقان عيماراتتىڭ بۇزىلعانى تۋرالى جازعان ەدىك.

بىلتىر الماتىنىڭ تاۋ بوكتەرىندە زاڭسىز سالىنعان 28 نىسان بۇزىلدى.

جالپى، قالادا 2023 -جىلدان بەرى 63 زاڭسىز نىسان تولىعىمەن جانە جارتىلاي بۇزىلدى. ونىڭ ىشىندە بيزنەس ورتالىق، مەيرامحانا، قوسالقى قۇرىلىس پەن اۆتوسەرۆيس، سونداي- اق مەچتا جانە KHAN سياقتى ءىرى تۇرعىن ءۇي كەشەندەرى بار.

سوڭعى جاڭالىقتار