الماتىدا زاڭسىز كۋرەرلىك قىزمەتپەن اينالىسىپ كەلگەن شەتەل ازاماتتارى ۇستالدى
الماتى. KAZINFORM - الماتىدا شەتەل ازاماتتارىنىڭ كۋرەرلىك قىزمەتپەن زاڭسىز اينالىسىپ كەلگەنى انىقتالدى. بۇل دەرەكتەردى كوشى- قون قىزمەتىنىڭ قىزمەتكەرلەرى «زاڭسىز» جەدەل-الدىن الۋ ءىس- شاراسى بارىسىندا انىقتادى.
«9 شەتەل ازاماتىنىڭ كوشى- قون زاڭناماسىنىڭ تالاپتارىن بۇزا وتىرىپ، ەڭبەك قىزمەتىن جۇزەگە اسىرعانى بەلگىلى بولدى. اتاپ ايتقاندا، كۋرەرلىك پلاتفورمالاردىڭ بىرىندە ولار قازاقستاندىق بولىپ تىركەلىپ، تاۋارلاردى جەتكىزۋگە تاپسىرىستار العان. سونىمەن قاتار تەكسەرۋ بارىسىندا جوعارىدا اتالعان ازاماتتاردىڭ وزدەرىمەن بىرگە جەكە باسىن كۋالاندىراتىن قۇجاتتارى بولماعانى انىقتالدى. «قىلمىستىڭ الدىن الۋ تۋرالى» زاڭنىڭ 29-بابىنىڭ ەرەجەلەرىنە سايكەس، شەتەلدىك قۇقىق بۇزۋشىلار قابىلداپ- تاراتۋ ورنىنا ورنالاستىرىلادى. ولاردىڭ ءارقايسىسىنىڭ كىم ەكەنىن انىقتاۋ جانە ودان ءارى جاۋاپقا تارتۋ جۇمىستارى جۇرگىزىلۋدە»، - دەدى الماتى قالاسى پوليتسيا دەپارتامەنتىنىڭ كوشى-قون قىزمەتى باسقارماسى باستىعىنىڭ ورىنباسارى، پوليتسيا پولكوۆنيگى گەننادي مەن.
ايتا كەتەيىك، بۇعان دەيىن الماتىدا زاڭسىز جۇمىس ىستەگەن 27 شەتەلدىك ۇستالعانىن جازعانبىز.
ودان بۇرىن مەگاپوليستە زاڭسىز جۇرگەن افريكا ازاماتتارى دەپورتاتسيالانعان ەدى.
سونداي- اق كوشى-قون قىزمەتى الماتىدا جەزوكشەلىكپەن ايلانىسقان 7 شەتەلدىكتى ۇستادى.
