الماتىدا وزگە اۆتورلاردىڭ ءانىن ساتقان جالعان كومپوزيتور ۇستالدى

  الماتى. KAZINFORM - الماتى قالاسىنىڭ پوليتسيا دەپارتامەنتى ءوزىن كومپوزيتور رەتىندە تانىستىرىپ، وزگە ادامداردىڭ شىعارماشىلىق تۋىندىلارىن ساتقان كۇدىكتىنىڭ ۇستالعانىن حابارلادى.

«30 جاستاعى ەر ادام، ۇجىمدىق ارىزبەن جۇگىنگەن ءبىرقاتار مۋزىكانتتارعا قاتىستى الاياقتىق جاسادى دەگەن كۇدىككە ءىلىندى. ازاماتتاردىڭ ارىزىنان بەلگىلى بولعانداي، 1994 -جىلى تۋعان ى. ەسىمدى ازامات، ءوزىن كومپوزيتورمىن دەپ تانىستىرىپ، بوتەن ادامنىڭ تۋىندىسىن بىردەن بىرنەشە ورىنداۋشىعا ساتىپ جىبەرگەن. كۇدىكتى ۇستالدى. ونىڭ ارەكەتى ق ر ق ك- ءنىڭ 190-بابى 3-بولىگىمەن كۆاليفيكاتسيالانعان. سوتقا دەيىنگى تەرگەۋ جالعاسىپ جاتىر»، - دەدى بوستاندىق اۋداندىق پوليتسيا باسقارماسىنىڭ باستىعى، پوليتسيا پولكوۆنيگى ديدار احانوۆ.

ايتا كەتەيىك، ق ر ق ك- ءنىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋتسياسىنىڭ 77-بابى 3- ءبولىمى، 1-تارماعى، ق ر ق ك- ءنىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.

ەسكە سالايىق، بۇعان دەيىن الماتىدا ۇزدىك پوليتسەيلەردىڭ سۋرەتتەرى LED ەكرانداردا كورسەتىلە باستاعانىن جازعان ەدىك.