الماتىدا وتكەن جىلى 118 پاتەردى توناعان 24 قىلمىستىق توپ ۇستالدى
الماتى. KAZINFORM - الماتى وڭىرلىك كوممۋنيكاتسيالار قىزمەتىندە وتكەن بريفينگىدە الماتى قالالىق پوليتسيا دەپارتامەنتىنىڭ باسپا ءسوز حاتشىسى سالتانات ازىربەك وتكەن جىلى پاتەر مەن كولىكتەردى توناپ، ۇستالعان قىلمىستى توپتار تۋرالى ستاتيستيكانى جاريالادى.
سپيكەردىڭ سوزىنشە، وتكەن جىلى الماتىدا بوتەننىڭ مۇلكىن ۇرلاعان 3079 ادامدى ۇستالدى، ونىڭ 150 دەن استامى شەتەلدىكتەر. سونىڭ ناتيجەسىندە 118 پاتەردى توناعان 24 قىلمىستىق توپ قۇرىقتالدى.
«سونداي-اق كولىكتەردىڭ قۇلپىن بۇزىپ، اينەكتى سىندىرىپ، بولشەكتەۋ ارقىلى ۇرلىقپەن اينالىسقان 17 توپ ۇستالدى. سونىمەن قاتار، قوعامدىق ورىنداردا، اتاپ ايتقاندا، ساۋدا ورتالىقتارى، بازارلار، قويمالار، كومپيۋتەرلىك كلۋبتار جانە تاعى باسقا ورىنداردا جەكە زاتتى ۇرلاۋمەن اينالىسقان 119 توپتىڭ جولى كەسىلدى. 314 ۇرى ۇستالدى، ولار بوتەننىڭ مۇلكىن ۇرلاۋدىڭ 488 دەرەگىنە قاتىستى سوتتالدى»، - دەپ اتاپ ءوتتى سالتانات ازىربەك.
ونىڭ مالىمەتىنشە، وتكەن جىلى الماتىدا بوتەننىڭ مۇلكىن ۇرلاۋ دەرەگى %36,8 عا ازايعان، ونىڭ ىشىندە پاتەر توناۋ، قالتا ۇرلىعى، اۆتوكولىك سالونىنان ۇرلاۋ جانە ت. ب. ال قىلمىستىڭ بۇل ءتۇرىن اشۋ كورسەتكىشى %13,9 عا جاقسارعان.
