الماتىدا ورتەنگەن حوستەلدىڭ يەلەرى انىقتالدى
الماتىدا ورتەنگەن حوستەلدىڭ يەلەرىنىڭ كىم ەكەنى انىقتالدى. بۇل تۋرالى وڭىرلىك كوممۋنيكاتسيالار قىزمەتى الاڭىندا الماتى قالالىق پوليتسيا دەپارتامەنتىنىڭ تەرگەۋ باسقارماسى باستىعىنىڭ ورىنباسارى، پوليتسيا پولكوۆنيگى ايبات مىرزاماديەۆ ايتتى، دەپ حابارلايدى Kazinform.
«بۇل تۇلعالاردىڭ كىم ەكەنى بەلگىلى. قازىر ۋاقىتتا ولاردىڭ ورنالاسقان جەرىن انىقتاۋ ءىس-شارالارى جۇرگىزىلىپ جاتىر. ازىرگە ولاردان ەشكىم جاۋاپ الىپ جاتقان جوق. قازىر ءبىز بارلىق قۇجاتتاردى كوتەرىپ جاتىرمىز»، - دەدى ايبات مىرزاماديەۆ.
سونداي-اق توتەنشە جاعدايلار ءمينيسترى سىرىم ءشارىپحانوۆ جۇرگىزىلگەن ساراپتاما قورىتىندىسى بويىنشا جاۋاپتى لاۋازىمدى تۇلعالار انىقتالاتىنىن ايتتى.
«قازىر قولدا بار قۇجاتتاردى زەرتتەيتىن بولامىز. ارنايى ءورت-تەحنيكالىق زەرتحانالار تەكسەرۋلەر جۇرگىزەدى. وسىدان كەيىن جاۋاپتى لاۋازىمدى تۇلعالار انىقتالىپ، كەيىن قىلمىستىق ءىس قوزعالاتىن بولادى»، - دەدى ول.
وسىعان دەيىن ءورت كەزىندە زارداپ شەككەندەرگە كەشەندى مەديتسينالىق كومەك كورسەتىلەتىنى تۋرالى جازدىق.
