الماتىدا ونكولوگيالىق اۋرۋعا شالدىققان ناۋقاستار سانى ارتتى

аурухана
Фото: Pexels

الماتى. KAZINFORM - الماتى ونكولوگيالىق ورتالىعىندا ەمدەلۋشىلەر سانى جىل سايىن ارتىپ كەلەدى. بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا الماتى ونكولوگيا ورتالىعىنىڭ ديرەكتورى نۇرسۇلتان ىزماعامبەتوۆ ايتتى.

سپيكەردىڭ سوزىنشە، بىلتىر الماتى 5491 ادامنان قاتەرلى ىسىك انىقتالىپ، ەسەپكە قويىلدى.

«الماتى ونكولوگيا ورتالىعىنىڭ ەسەبىندە 31866 پاتسيەنت بار. 2023-جىلدىڭ قورىتىندىسى بويىنشا ەسەپكە الىنعان 5491 پاتسيەنتتىڭ 16,2 پايىزى الماتى قالاسىنا باسقا وڭىرلەردەن كەلىپ تىركەلدى. سول 890 ناۋقاستىڭ 125 ىندە اۋرۋ اسقىنعان كەزەڭدە انىقتالىپ وتىر. 2022-جىلمەن سالىستىرعاندا قاتەرلى ىسىككە شالدىققاندار سانى 8,2 پايىزعا كوبەيدى»، - دەيدى نۇرسۇلتان ىزباعامبەتوۆ.

ورتالىق ديرەكتورىنىڭ ايتۋىنشا، قاتەرلى ىسىكتەن بولاتىن ءولىم-ءجىتىم ءۇش جىلدا %12,4 تومەندەگەن.

«وتكەن جىلى الماتىنىڭ ونكولوگيالىق ورتالىعىندا 22576 ناۋقاس ەمدەلدى. حيرۋرگيالىق بولىمشەلەردە 2681 وتا جاسالدى. بۇل رەتتە وپەراتسيانىڭ %55 از ينۆازيۆتى ادىسپەن جۇرگىزىلەدى. بۇگىنگى تاڭدا حيميوتەراپيانىڭ 50 گە جۋىق ءتۇرى، 40تان استام ماقساتتى جانە گورمونالدى پرەپارات قولدانىلادى، سونىڭ ارقاسىندا 18790 پاتسيەنت حيميوتەراپيالىق ەم الدى»، - دەيدى ونكولوگ.

سوڭعى جاڭالىقتار