11:25, 17 - جەلتوقسان 2024 | GMT +5
الماتىدا ونكۇندىك مولشەرىندەگى قار جاۋدى
الماتى. KAZINFORM - الماتى كوشەلەرىنەن 6,5 مىڭ تەكشە مەتر قار شىعارىلدى. 15-16-جەلتوقسان كۇندەرى الماتى قالاسىندا قالىڭ قار جاۋدى. ونىڭ قالىڭدىعى قالادا 22 س م-گە، كامەنسك ۇستىرتىندە - 40 س م-گە، شىمبۇلاقتا - 42 س م-گە جەتتى.
قاردى تازالاۋعا تاۋلىك بويى 600-دەن استام ارنايى تەحنيكا مەن 1080 جول جۇمىسشىسى جۇمىلدىرىلدى.
جالپى قار جاۋىپ باستاعالى قالا كوشەلەرىنەن 520 م³ قار شىعارىلعان.
- قاردى ۋاقتىلى شىعارۋ بويىنشا جۇمىستاردى ۇيىمداستىرۋ ماقساتىندا اۆتوكولىك جۇرگىزۋشىلەرىنەن اۆتوكولىكتى جول جيەكتەرىنە، اسىرەسە تۇنگى ۋاقىتتا قويماۋىن سۇرايمىز. ءبىر تاۋلىكتە جاۋعان قاردىڭ مولشەرى ونكۇندىك نورمانى قۇراعانىنا بايلانىستى، قالانىڭ نەگىزگى ماگيسترال كوشەلەرىنەن قار شىعارۋ بۇگىن تۇندە اياقتالادى، - دەپ حابارلادى اكىمدىكتەن.
اۆتور
دوسبول اتاجان
