الماتىدا پوليتسيا قىزمەتكەرىن ادەيى سوققان موپەد جۇرگىزۋشىسى جازالاندى

الماتى. KAZINFORM - الماتىدا موپەد جۇرگىزۋشىسى پوليتسيا قىزمەتكەرىن قاعىپ كەتىپ، وقيعا ورنىنان قاشپاق بولدى.

وقيعانىڭ بەينەجازباسىمەن الماتى قالاسىنىڭ پوليتسيا دەپارتامەنتى ءبولىستى. رەسمي مالىمەتكە سايكەس، تولە بي داڭعىلىندا جەرگىلىكتى پوليتسيا قىزمەتىنىڭ ەكيپاجى قاراما-قارسى جولاقپەن قوزعالىپ كەلە جاتقان موپەدتى بايقاعان. ءتارتىپ ساقشىلارى قۇقىق بۇزۋشىنى توقتاتۋعا ارەكەتتەنگەن، ءبىراق 20 جاستاعى جۇرگىزۋشى زاڭدى تالاپقا باعىنباعان.

- پاترۋلدىك پوليتسيا قىزمەتكەرلەرىنىڭ ءبىرىن موپەد جۇرگىزۋشىسى ونى ادەيى قاعىپ، وقيعا ورنىنان كەتىپ قالعان. جەدەل ءىس-شارالار ناتيجەسىندە قۇقىق بۇزۋشى انىقتالىپ، ۇستالدى. وعان قاتىستى بىرنەشە اكىمشىلىك قۇقىقبۇزۋشىلىق بابى بويىنشا ءىس قوزعالدى، ونىڭ ىشىندە پوليتسيا قىزمەتكەرىنىڭ زاڭدى تالابىنا باعىنباعانى ءۇشىن دە جاۋاپكەرشىلىك قاراستىرىلعان. سوت قاۋلىسى بويىنشا قۇقىق بۇزۋشى 10 تاۋلىككە اكىمشىلىك قاماققا الىندى، - دەپ حابارلادى دەپارتامەنتتەن.

اۆتور

دوسبول اتاجان