الماتىدا توعىزقۇمالاق شەبەرلەرى ءوزارا كىل مىقتىنى انىقتايدى

استانا. KAZINFORM - بۇگىن الماتى قالاسىندا توعىزقۇمالاق بويىنشا ەرلەر جانە ايەلدەر اراسىنداعى كلاسسيكادان جەكەلەي قازاقستان رەسپۋبليكاسىنىڭ چەمپيوناتى باستالدى.

رەسپۋبليكالىق دودا الماتى تورىندە، ق ر ورتالىق مەملەكەتتىك مۇراجايىندا ۇيىمداستىرىلىپ جاتىر. جالپى سايىسقا ەلىمىزدىڭ تۇكپىر-تۇكپىرىنەن 130 دان استام توعىزقۇمالاقشى قاتىسۋدا. ولاردىڭ اراسىندا اسەل دارليەۆا، عالىمجان تەمىربايەۆ، جانات كايمۋلدين سىندى الەم چەمپيوندارى دا بار.

ايتا كەتەيىك، بۇل چەمپيونات الداعى 5- دۇنيەجۇزىلىك كوشپەندىلەر ويىندارى مەن الەم چەمپيوناتىنا ىرىكتەۋ سايىسى بولىپ ەسەپتەلەدى.

«توعىزقۇمالاق - الەمدىك مادەنيەتتىڭ كەز كەلگەن ۇلگىلەرىمەن بوي تەڭەستىرە الاتىن قازاقتىڭ ۇلتتىق ويىنى. اريفمەتيكا مەن الگەبرانىڭ ەلەمەنتتەرى كەزدەسەتىن بۇل ويىندى كەزىندە قازاقتىڭ ۇلى اقىنى اباي دا ءسۇيىپ ويناعانى تۋرالى دەرەكتەر بار.

جارىس 26- اقپانعا دەيىن جالعاسادى.

اۆتور كۇنسۇلتان وتارباي