12:06, 28 - قازان 2024 | GMT +5
الماتىدا توبەلەس بولىپ، 1 ادام پىشاق جاراقاتىن الدى
الماتى. KAZINFORM - الماتىدا ەر ادامدار اراسىندا جانجال شىعىپ، ازاماتتاردىڭ ءبىرى اۋرۋحاناعا ءتۇستى. جەلىدەگى مالىمەتكە سايكەس، كيكىلجىڭ كەزىندە كۇدىكتىلەردىڭ ءبىرى پىشاق قولدانعان.
الماتى قالاسىنىڭ پوليتسيا دەپارتامەنتى بۇل وقيعا بويىنشا قىلمىستىق ءىس قوزعالىپ، كۇدىكتى ۇستالعانىن حابارلادى.
- بوستاندىق اۋداندىق پوليتسيا باسقارماسى دەنساۋلىققا زيان كەلتىرۋ دەرەگى بويىنشا قىلمىستىق ءىس قوزعادى. كۇدىكتى ۇستالدى جانە ۋاقىتشا ۇستاۋ يزولياتورىنا قامالدى. الدىن الا مالىمەت بويىنشا، تانىس ەمەس ەر ادامدار اراسىندا جانجال شىققان. وقيعانىڭ باسقا دا ءمان-جايلارى انىقتالىپ جاتىر، - دەپ حابارلايدى قالالىق پ د باسپا ءسوز قىزمەتى.
اۆتور
الما مۇقانوۆا
