الماتىدا تۋريستىك فيرما قىزمەتكەرىن قايشىمەن جاراقاتتاعان ايەل قاماۋعا الىندى

 الماتىدا تۋرفيرمانىڭ بىرىندە جانجال شىعارىپ، قىزمەتكەرىن قايشىمەن جاراقاتتاعان ايەل قاماۋعا الىندى، دەپ حابارلايدى Kazinform. 

турфирма
Фото: Фото: ҚазАқпарат/ Федюнин

وقيعا بويىنشا المالى اۋداندىق پوليتسيا باسقارماسىندا تەرگەۋ ءجۇرىپ جاتىر. پوليتسيانىڭ مالىمەتىنشە، وقيعا سوتقا دەيىنگى تەرگەۋدىڭ ءبىرىڭعاي تىزىلىمىنە ق ر ق ك-نىڭ 389-بابى 3-بولىگى بويىنشا تىركەلدى.

«كۇدىكتى - 1978 -جىلى تۋعان ي. ەسىمدى ايەل، ق ر قىلمىستىق ءىس جۇرگىزۋ كودەكسىنىڭ 128-بابىنا سايكەس ۋاقىتشا ۇستاۋ يزولياتورىنا قامالدى. جابىرلەنۋشىنىڭ العان جاراقاتىنىڭ اۋىرلىعىن انىقتاۋ ماقساتىندا سوت-مەديتسينالىق ساراپتاما تاعايىندالدى. قىلمىستىق ءىس بويىنشا جۇرگىزىلگەن تەرگەۋ شارالارى كەشەنىنىڭ قورىتىندىسى بويىنشا پروتسەسسۋالدىق شەشىم قابىلداناتىن بولادى»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى، پوليتسيا پولكوۆنيگى قايرات نۇرماعامبەتوۆ.

ەسكە سالايىق الماتىدا تۋرفيرمانىڭ قىزمەتىنە شاعىمدانعان ايەل كومپانيا قىزمەتكەرىنە شابۋىل جاساعان بولاتىن. سالدارىنان جابىرلەنۋشىنىڭ باسىنا قايشى كىرىپ كەتكەن ەدى.

سوڭعى جاڭالىقتار