الماتىدا تۇرمىستىق قالدىقتاردى كۋپونعا ايىرباستاۋ اكتسياسى ءوتىپ جاتىر
الماتى. KAZINFORM - الماتىدا «تازا قازاقستان» ەكولوگيالىق ناۋقانى اياسىندا «قوقىستى كوفە/سنەككە ايىرباستا» اكسياسى ءوتىپ جاتىر.
الماتى قالاسى كاسىپكەرلىك جانە ينۆەستيتسيالار باسقارماسىنىڭ مالىمەتىنە سايكەس، 15-ءساۋىر مەن 30-ءساۋىر ارالىعىندا الماتىلىقتار ەكى توننادان استام (2310 ك گ) قايتالاما شيكىزات وتكىزىپ، 1435 كۋپون العان.
تۇرمىستىق قاتتى قالدىقتاردى قابىلداۋ پۋنكتەرى 1-مامىر كۇنى مەملەكەتتىك مەرەكەگە وراي جۇمىس ىستەگەن جوق. بۇگىن قايتا جاندانعان ناۋقان اياسىندا الماتى تۇرعىندارى قايتا وڭدەلەتىن قوقىستاردى 8-مامىرعا دەيىن كۋپونعا ايىرباستاي الادى.
«قوقىستى كوفە/سنەككە ايىرباستا» اكسياسى قالدىقتارمەن بايلانىستى ماسەلەلەر مەن ولاردى قايتا وڭدەۋدىڭ ماڭىزدىلىعى تۋرالى حاباردار بولۋعا باعىتتالعان. قاتىسۋشىلارعا ماكۋلاتۋرا، پلاستيكالىق بوتەلكەلەر، اليۋميني بانكالار، شىنى بوتەلكەلەردى قوسا العاندا، قايتا وڭدەۋ ءۇشىن ءوز بەتىنشە بەلگىلى ءبىر مولشەردە قايتالاما شيكىزات جيناۋ ۇسىنىلادى.
جينالعان ماتەريالدار قايتالاما شيكىزاتتى قابىلداۋ پۋنكتتەرىنە كەلەسى مەكەنجايلار بويىنشا تاپسىرىلادى:
1. الاتاۋ اۋدانى، Ecosen, نۇركەنت شاعىناۋدانى، 7/1
2. المالى اۋدانى، Ecosen, بايزاقوۆ كوشەسى، 73/1
3. اۋەزوۆ اۋدانى، Kazakhstan Waste Recycling, 8- ءشى شاعىناۋدان، 58ا
4. اۋەزوۆ اۋدانى، Kazakhstan Waste Recycling، اقساي-3 ش/ا، 1ا/1
5. بوستاندىق اۋدانى، Kazakhstan Waste Recycling، تيميريازيەۆ كوشەسى، 81/3، دۇڭگىرشەك
6. بوستاندىق اۋدانى، Ecosen, روزىباقييەۆ كوشەسى، 247/3
7. مەدەۋ اۋدانى، Kazakhstan Waste Recycling, سامال-1 ش/ا، 32-دۇڭگىرشەك
8. مەدەۋ اۋدانى، Hello Eco ەكوتاۋارلار دۇكەنى، سامال-2 ش/ا، 56ا ءۇي
9. جەتىسۋ اۋدانى، قازىبايەۆ كوشەسى، 264ا (كارينا Trading)
10. ناۋرىزباي اۋدانى، رايىمبەك داڭعىلى، 548/2
11. تۇركسىب اۋدانى، جاس قانات ش/ا، 1/28
«قوقىستى كوفەگە/تاعامعا ايىرباستاڭىز» اكتسياسى تۋرالى 2 گيس قوسىمشاسىنان ءتيىستى مەكەنجايلاردىڭ ءتىزىمىن كورۋگە بولادى. ءار ماتەريال ءۇشىن كۋپوننىڭ بەس ءتۇرى ۇسىنىلادى: پيتستسا، بۋرگەر، كوفە، دونەر جانە دودستەر.
كۋپونداردىڭ 2024 -جىلدىڭ 8 مامىرىنا دەيىن جارامدى.
