15:55, 29 - قاڭتار 2025 | GMT +5
الماتىدا تەرگەۋ يزولياتورىنان قاشپاق بولعان كۇدىكتى ۇستالدى
الماتى. KAZINFORM - الماتىنىڭ تەرگەۋ يزولياتورىندا ۇرلىق جاسادى دەگەن كۇدىكپەن قاماۋعا الىنعان ادام قاشۋعا ارەكەت جاسادى.

- ول قابىلدانعان شارالاردىڭ ارقاسىندا ۇستالدى. بۇل فاكتى بويىنشا قىلمىستىق ءىس قوزعالدى، سونداي-اق قىزمەتتىك تەرگەۋ باستالدى، - دەپ حابارلادى قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتى.
ەسكە سالايىق، بىلتىر الماتىدا ەر ادام قاراۋىل جاساعىنىڭ قىزمەتتىك كولىگىنەن قاشىپ كەتكەنىن جازعانبىز.
كۇدىكتىنى ءتارتىپ ساقشىلارى ۇستادى.
ودان بۇرىن تالعار اۋداندىق پوليتسيا باسقارماسىنىڭ ۋاقىتشا ۇستاۋ يزولياتورىنان قىز زورلادى دەگەن كۇدىكپەن قاماۋدا وتىرعان ازامات قاشىپ كەتكەن ەدى.
كەيىن كۇدىكتى ك. تەرەڭقارا اۋىلىنىڭ شەتىندە ۇستالدى.