الماتىدا تۇنگى ۋاقىتتا ىشىمدىك ساتقان دۇكەن يەلەرىنە ايىپپۇل سالىندى

الماتى. KAZINFORM - مەگاپوليستە 9 شاعىن دۇكەنىڭ تۇنگى ۋاقىتتا الكوگولدىك ىشىمدىكتەر ساتقانى بەلگىلى بولدى.

الماتى پوليتسەيلەرى وتكەن دەمالىس كۇندەرى شاھاردىڭ ورتالىق بولىگىندە ارنايى ءىس-شارا وتكىزدى. ونىڭ بارىسىندا بار، ءدامحانا، تۇنگى كلۋبتار مەن كەشكى ساعات 21.00-دەن كەيىن الكوگولدىك ونىمدەر ساتاتىن ازىق-تۇلىك دۇكەندەرىنە تەكسەرۋ جۇرگىزدى.

«ناتيجەسىندە 37 ادام ق ر ا ق ب ت ك-نىڭ 441-بابى بويىنشا جاۋاپكەرشىلىككە تارتىلدى. سونىمەن قاتار 9 شاعىن دۇكەن اكىمشىلىگىنە تۇنگى ۋاقىتتا الكوگولدىك ىشىمدىكتەردى ساتقانى ءۇشىن ايىپپۇل سالىندى. رەيدتىك ءىس-شارالار جوسپارىن جاساۋ كەزىندە قالا تۇرعىندارىنىڭ دابىلدارى ەسكەرىلىپ، كورسەتىلگەن اۋماقتار بويىنشا قانداي دا ءبىر قۇقىق بۇزۋشىلىقتاردىڭ جاسالۋىنا تالداۋ جۇرگىزىلدى. جەرگىلىكتى ءىس-شارالار، اسىرەسە دەمالىس جانە مەرەكە كۇندەرى تۇراقتى تۇردە وتكىزىلەتىن بولادى»، - دەيدى، مەدەۋ اۋداندىق پوليتسيا باسقارماسىنىڭ باسشىسى ءىلياس ومىرسەرىكوۆ.

سونداي-اق ول قالا بويىنشا قوعامدىق ورىنداردا كاليان شەگۋدىڭ 120-دان استام دەرەگى انىقتالعانىن ءمالىم ەتتى.

اۆتور
الما مۇقانوۆا