الماتىدا تۇماۋ جۇقتىرعانداردىڭ 60 پايىزى بالالار

الماتى. KAZINFORM — الماتىدا وتكەن اپتادا 7527 بالا تۇماۋ جۇقتىرعان.

بۇل تۋرالى الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى قاسىمحان الپىسباي ۇلى ايتتى.

ونىڭ ايتۋىنشا، وتكەن اپتادا جرۆي، تۇماۋ اۋرۋلارىنىڭ 12164 جاعدايى تىركەلگەن. 100 مىڭ تۇرعىنعا شىققانداعى كورسەتكىشى — 530.

— تۇماۋ جۇقتىرعانداردىڭ سانى وتكەن جىلدىڭ وسى كەزەڭىمەن سالىستىرعاندا 2 ەسە تومەن جانە الدىڭعى اپتامەن سالىستىرعاندا %34,8 پايىزعا (18659 جاعداي) ازايعان. جالپى بۇل اۋرۋدىڭ %61,9 بالالاردى قامتيدى. سونىمەن قاتار، قالادا ءجىتى رەسپيراتورلىق ۆيرۋستىق ينفەكسيالاردىڭ باسقادا ۆيرۋستارى: رينوۆيرۋس، بوكاۆيرۋس، ر س ۆيرۋس، ادەنوۆيرۋس، پاراگريپپ، ماۋسىمدىق كوروناۆيرۋستار اينالىمدا ءجۇر، — دەدى قاسىمحان الپىسباي ۇلى.

سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنە سايكەس، ج ر ۆ ي- عا زەرتتەلگەن 107 سىنامانىڭ 33 ىندە تۇماۋعا جاتپايتىن باسقا دا ج ر ۆ ي ۆيرۋستارى انىقتالعان. الايدا ولاردىڭ قاتارىندا ج ر ۆ ي- دىڭ ءبىر تۇرىنە جاتاتىن مەتاپنيەۆموۆيرۋس انىقتالعان جوق.

ەسكە سالايىق، بۇعان دەيىن ق ر دەنساۋلىق ساقتاۋ مينيسترلىگى ەل اۋماعىندا مەتاپنيەۆموۆيرۋستىق ينفەكسيا جاعدايلارى انىقتالعانىن حابارلادى.

اتاپ ايتقاندا، س ق و- دا ءتورت ادامنان مەتاپنيەۆموۆيرۋس انىقتالدى.