الماتىدا تانىمال بلوگەر ءوز-وزىنە قول جۇمسادى

  الماتى. KAZINFORM - الماتىدا ايلۋنا راحىم اتتى جاس قىز ءوز- وزىنە قول جۇمساپ، كوز جۇمدى. 27 جاستاعى قىز ءوز ولىمىنە جىگىتتى ايىپتاپ حات قالدىرعان.

قايعىلى جاعداي تۋرالى حاباردى نەمولچي.kz قورىنا 27 جاستاعى ايلۋنا راحىمنىڭ قۇربىلارى جەتكىزگەن.

«ايلۋنانىڭ اتا- اناسى جوق. ول SMM مامانى بولىپ جۇمىس ىستەگەن جانە قامقورشى اپايىنان بولەك تۇرعان. 11-ماۋسىم كەشكى ساعات 7 دە ونىڭ دەنەسى تابىلدى. سۋيتسيد جاساعان قىز حات جازىپ قالدىرعان. وندا ءوز ولىمىنە ءبىر جىگىتتى كىنالايدى. مۇقيات تەرگەۋ جۇرگىزۋ ماڭىزدى. بىزدە كوپ سكرين جانە حابارلاما بار، ۇمىتسىزدىك، قارىم-قاتىناستا پروبلەمالار بولعانى انىق. الماتى پوليتسيا دەپارتامەنتىنەن قاي باپ بويىنشا ءىس اشىلعانىن حابارلاۋدى سۇرايمىز» دەلىنگەن جازبادا.

الماتى پوليتسيا دەپارتامەنتى اقپاراتتى راستادى.

«اتالعان فاكتى بويىنشا قىلمىستىق ءىس قوزعالدى. ساراپتاما تاعايىندالدى. ءىستىڭ وزگە دە ءمان-جايى انىقتالىپ جاتىر»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.