الماتىدا تاعى جەر سىلكىندى
استانا. KAZINFORM - الماتى قالاسى ت ج د باسپا ءسوز قىزمەتىنىڭ مالىمەتىنشە، شكالا بويىنشا جەر سىلكىنىسى 2 بالدى قۇرادى.
- ق ر ت ج م «س ب ز ۇ ع ۇ» ج ش س سەيسميكالىق ستانتسيالار جەلىسى 2024 -جىلعى 28-قاراشادا استانا ۋاقىتىمەن ساعات 01:32 دە جەر سىلكىنىسىن تىركەدى. شكالا بويىنشا جەر استى دۇمپۋلەرى 2 بالدى قۇرادى. جەر سىلكىنىسىنىڭ ەپيتسەنترى قىتاي اۋماعىندا الماتى قالاسىنان وڭتۇستىك- شىعىسقا قاراي 318 ك م جەردە ورنالاسقان، - دەلىنگەن حابارلامادا.
قالالىق ت ج د مالىمەتىنشە، الماتى 9-10 بالدىق سەيسميكالىق ايماقتا ورنالاسقان.
- قالادا جىل سايىن 200 گە دەيىن ءالسىز، سەزىلمەيتىن جەر سىلكىنىسى بولادى. بۇل رەتتە 2 دەن 4 بالعا دەيىنگى جەر سىلكىنىسى الماتى ءۇشىن فوندىق رەجيم بولىپ تابىلادى، - دەپ ەسكەرتتى ۆەدومستۆو.
بۇدان بولەك، جەر سىلكىنىسىنەن كەيىن «قازسەلدەنقورعاۋ» اتەتۋ ماماندارى وزەن ارنالارىن، گيدروتەحنيكالىق قۇرىلىستاردى، كوشكىن قاۋىپتى جانە سەل قاۋىپتى ۋچاسكەلەردى زەرتتەۋ بويىنشا مونيتورينگ جۇرگىزدى. سونداي-اق، تىرشىلىكتى قامتاماسىز ەتۋ نىساندارىن ارالاپ، تەكسەرۋ جۇمىستارىن جۇرگىزدى.
- تەكسەرۋ ناتيجەلەرى بويىنشا زاقىمدانۋ وشاقتارى تابىلعان جوق. قازىرگى ۋاقىتتا اتالعان وبەكتىلەر شتاتتىق رەجيمدە جۇمىس ىستەيدى. قيراۋلار مەن زارداپ شەككەندەر تۋرالى مالىمەت تۇسپەدى. جاعداي تۇراقتى، - دەلىنگەن تاراتىلعان حابارلامادا.
ەسكە سالساق، بۇعان دەيىن 5-قاراشادا الماتىدا جەر سىلكىنگەنى حابارلاندى.
