الماتىدا تاعى دا نوسەر جاڭبىر جاۋادى

Жаңбыр жауып, найзағай ойнайды: 3 мамырға арналған ауа райы болжамы
Фото: Алматы әкімдігі

 الماتى. KAZINFORM -قازگيدرومەتتىڭ بولجامىنا سايكەس، الماتىدا 16-مامىر كەشكە نوسەر جاڭبىر جاۋادى دەپ كۇتىلۋدە.

الماتى اكىمدىگىنەن اتاپ وتكەندەي، جاۋىن-شاشىن كەزىندە سۋ باسۋدىڭ الدىن الۋ ءۇشىن موتوپومپالارمەن جانە شانتس قۇرالدارىمەن جابدىقتالعان 52 جەدەل ءموبيلدى بريگادانىڭ كەزەكشىلىگى ۇيىمداستىرىلادى.

2300 قاپ قۇم دايىندالدى. قاجەت بولعان جاعدايدا جۇمىسشىلار مەن ارنايى تەحنيكانىڭ سانى ۇلعايادى. اۋداندىق اكىمدىكتەردە جۇمىس ءوندىرىسىن باقىلاۋ بويىنشا تاۋلىك بويى كەزەكشىلىك قويىلادى.

كوممۋنالدىق قىزمەتتەردىڭ كۇشىمەن ارىق جەلىلەرىن، ارىق وتكەلدەرىن جانە قوقىستار جينالعان جەرلەردى تازارتۋ جۇمىستارى جۇرگىزىلدى. 15-مامىرداعى جاعداي بويىنشا شامامەن 865 توننا قوقىس، لاي سىرتقا شىعارىلدى. بارلىق ارىق جەلىسى تازارتىلدى.

«سۋ باسىپ قالۋدى بولدىرماۋ ءۇشىن قالا تۇرعىندارىنان ارىقتارعا، نوسەر اعىندارى مەن كانالدارعا قوقىس تاستاماۋدى سۇرايمىز. ءتارتىپ بۇزۋشىلار ق ر ا ق ب ت ك- ءنىڭ 505 - بابى بويىنشا اكىمشىلىك جاۋاپكەرشىلىككە تارتىلاتىن بولادى»، - دەپ حابارلادى اكىمدىكتەن.

سوڭعى جاڭالىقتار