الماتىدا تاۋ بەتكەيلەرى نىعايتىلادى
الماتى. KAZINFORM -الماتىدا تامىز ايىنا دەيىن «موحناتكا» جانە «گورەلنيك» تاۋلارىنىڭ بەتكەيلەرى نىعايتىلادى.
ەربولات دوسايەۆ «مەدەۋ - شىمبۇلاق» جولىنداعى تاستاردىڭ قۇلاۋى سالدارىنان بولعان زالالداردى جويۋ جۇمىستارىمەن تانىستى. تاستاردىڭ قۇلاۋى مۇمكىن. سوندىقتان بەتكەيلەردى نىعايتۋ، نوسەر جۇيەسىن سالۋ جانە جولدى جوندەۋ جۇمىستارى جوسپارلانعان.
اۋدان اكىمى ەركەبۇلان ورازالين قالا باسشىسىنا تاۋ بوكتەرىندەگى نىعايتۋ جۇمىستارى بويىنشا ماسەلە جوسپارلى تۇردە شەشىلىپ جاتقانىن جەتكىزدى.2023 -جىلدىڭ قازان ايىندا «مەدەۋ - شىمبۇلاق» جولىنداعى قۇلاعان تاستاردىڭ سالدارىن جويۋ جۇمىستارى باستالدى. جارتاستىڭ قۇلاۋىنان جارتىلاي زاقىمدالعان قورعانىس قابىرعاسى بولشەكتەلدى.
«موحناتكا» جانە «گورەلنيك» تاۋلارىنىڭ باۋرايىنان شامامەن 80 مىڭ تەكشە مەتر تاس شىعارىلدى جانە 21 مىڭ تەكشە مەتر جەر ۇيىندىلەردەن تازارتىلدى.
ەربولات دوسايەۆ جۇمىستاردى بەلگىلەنگەن مەرزىمدە - وسى جىلدىڭ تامىز ايىنا دەيىن اياقتاۋعا تاپسىرما بەرىپ، بۇل ماسەلە قالا تۇرعىندارىنىڭ قاۋىپسىزدىگى ماقساتىندا قاتاڭ باقىلاۋدا ەكەنىن اتاپ ءوتتى.
بىلتىر ءساۋىر ايىندا مەدەۋدەن شىمبۇلاققا باراتىن جولدا 20 تەكشە مەتر تاس قۇلاعان بولاتىن.
مەدەۋدە الىپ تاستاردىڭ تومەن قاراي قۇلاعىن ۆيدەوسى الەۋمەتتىك جەلىدە تارادى.
سونداي- اق ايۋساي شاتقالىندا سارقىرامالارعا اپاراتىن جولدى تاستار باسىپ قالعان ەدى. جولعا قاراي قۇلاعان تاستار توسقاۋىل تورى مەن ەسكەرتۋ تاقتالارىن بۇزدى.
