الماتىدا ەسىرتكى ساتقان ۇيىمداسقان قىلمىستىق توپ مۇشەلەرى سوتتالدى

Алматы
Фото: polisia.kz

الماتى. KAZINFORM - الماتىدا ەسىرتكى ساتقان ۇيىمداسقان قىلمىستىق توپ مۇشەلەرى ۇزاق مەرزىمگە باس بوستاندىعىنان ايىرىلدى.

الماتى پوليتسياسىنىڭ قىزمەتكەرلەرى قالالىق پروكۋراتۋرا «ەسىرتكى قىلمىسىنا قارسى كۇرەس» جوباسى اياسىندا جانە ءى ءى م ەسىرتكى قىلمىسىنا قارسى ءىس-قيمىل دەپارتامەنتى، ق ر قارجىلىق مونيتورينگ اگەنتتىگى ماماندارىنىڭ كومەگىمەن بىلتىر تۇراقتى ەسىرتكى جەلىسىن جويعان بولاتىن.

ماريحۋانانى جەتكىزۋ مەن ساتۋدى بەس ادام ۇيىمداستىرعان. اتاپ ايتار بولساق، ازاماتتىق نەكەدەگى ەرلى-زايىپتى، ولاردىڭ دوسى، جاسىرىن قويىپ كەتۋشى جانە كۋرەر. جەدەل تەرگەۋ شارالارى بارىسىندا انىقتالعانداي، جاس جۇپ قىلمىستىق پروتسەسكە جەتەكشىلىك ەتكەن. ولار ۇيىمداستىرۋشى جانە ۇيلەستىرۋشى ءرولىن اتقاردى. «تاۋاردى» جاسىرىن قويۋشىلاردىڭ مىندەتتەرى ەكى دوس اراسىندا بولىنگەن. ال كۋرەر بولىپ توپ مۇشەلەرىنىڭ بىرەۋى ءجۇردى.

«مەسسەندجەر ارقىلى ەسىرتكىنى بايلانىسسىز ادىسپەن ساتا باستاعان ەسىرتكى ساۋداگەرلەرىنىڭ قىلمىستىق ارەكەتتەرى توقتاتىلدى. كۇدىكتىلەر يسپانيا مەن ا ق ش- تان پوشتا ارقىلى ەسىرتكى سالەمدەمەلەرىن العانى انىقتالدى. ءشوپ ءۇشىن تولەم تۇتىنۋشىلاردان ەلەكتروندى تولەم جۇيەسى ارقىلى الىندى. قاراجاتتى الۋ ەكىنشى دەڭگەيلى بانكتەر ارقىلى جۇزەگە اسىرىلدى. سول كەزدە كۇدىكتىلەردىڭ قىلمىستىق ارەكەتتەرى رەسمي تۇردە قۇجاتتالىپ، كۇدىكتىلەردىڭ تۇرعىلىقتى جەرى بويىنشا رۇقسات ەتىلگەن تىنتۋلەر جۇرگىزىلدى»، - دەيدى الماتى قالاسى پ د ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇماباي.

پوليتسيا وكىلى ءمالىم ەتكەندەي، قىلمىستىق توپ مۇشەلەرىنىڭ كىناسى سوتتا دالەلدەنىپ، ولار ۇزاق جىلعا باس بوستاندىقتارىنان ايىرىلدى.

«الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ قاۋلىسىمەن ۇيىمداسقان قىلمىستىق توپتى ۇيىمداستىرۋشى ەسىرتكى قۇرالدارىن زاڭسىز ءوندىرۋ، ساقتاۋ، وتكىزۋ، ۇيىمداسقان توپ قۇرۋ جانە وعان جەتەكشىلىك ەتۋ، ۇگىت-ناسيحات جاساعانى جانە ەسىرتكى زاتتارىن زاڭسىز جارنامالاعانى ءۇشىن كىنالى دەپ تانىلىپ، 17 جىلعا باس بوستاندىعىنان ايىرىلدى. قىلمىستىق توپتىڭ قالعان مۇشەلەرى، ونىڭ ىشىندە 35 جاستاعى ايەل، ءارقايسىسى 15,6 جىلعا سوتتالدى»، - دەيدى ول.

سوڭعى جاڭالىقتار