الماتىدا سەيفۋللين داڭعىلى مەن جانسۇگىروۆ كوشەسىنىڭ قيىلىسىندا قوزعالىس باعىتى وزگەرەدى

 الماتى. KAZINFORM - الماتىدا جولايرىق قۇرىلىسىنا بايلانىستى سەيفۋللين داڭعىلى مەن جانسۇگىروۆ كوشەسىنىڭ قيىلىسىندا كولىك قوزعالىسىنا كەزەڭ-كەزەڭمەن شەكتەۋلەر ەنگىزىلەدى.

қозғалыс бағыты өзгереді
Фото: Алматы әкімдігі

ماسەلەن، 7-ماۋسىمنان باستاپ سەيفۋللين داڭعىلىنىڭ وڭتۇستىگىندە جانسۇگىروۆ كوشەسى بويىنشا كولىك قۇرالدارىنىڭ وتپەلى قوزعالىسى شەكتەلەدى. قوزعالىس جانسۇگىروۆ كوشەسىنەن سەيفۋللين داڭعىلىنا جانە سەيفۋللين داڭعىلىنان جانسۇگىروۆ كوشەسىنە دەيىنگى جول ايرىعىنىڭ سەزدەرى بويىنشا قامتاماسىز ەتىلەدى.

«14-ماۋسىمنان باستاپ سەيفۋللين داڭعىلىنىڭ سولتۇستىگىندە جانسۇگىروۆ كوشەسى بويىنشا كولىك قۇرالدارىنىڭ قوزعالىسى شەكتەلەدى. قوزعالىس سەزدەر بويىنشا قامتاماسىز ەتىلەدى. بۇل سىزبا 1-قىركۇيەككە دەيىن جارامدى بولادى»، - دەپ حابارالادى اكىمدىكتەن.

ەستەرىڭىزگە سالا كەتەيىك، جوبا اياسىندا سەيفۋللين داڭعىلىندا كولىكتەردىڭ كەدەرگىسىز ءجۇرۋى ءۇشىن جالپى ۇزىندىعى 690 مەتر بولاتىن ەكى تۇنەل سالۋ كوزدەلگەن. جانسۇگىروۆ كوشەسىندە 4 جەر ءۇستى جاياۋ جۇرگىنشىلەر وتكەلى سالىنىپ، تروتۋارلار جانە كوگالداندىرۋ قاراستىرىلعان.

بۇعان دەيىن الماتىدا قۇلجا تاسجولى التى جولاققا دەيىن كەڭەيتىلەتىنى تۋرالى جازعان ەدىك.

بۇل اتالعان ۋچاسكەنىڭ وتكىزۋ قابىلەتىن 2 ەسەگە ارتتىرادى.

سوڭعى جاڭالىقتار