22:57, 24 - قىركۇيەك 2024 | GMT +6
الماتىدا ستۋدەنتتەر اراسىندا جاپپاي توبەلەس بولدى
الماتى. KAZINFORM - الماتىدا ءال-فارابي اتىنداعى قازاق ۇلتتىق ۋنيۆەرسيتەتىنىڭ اۋماعىندا جاپپاي توبەلەس بولدى. بۇل اقپاراتتى الماتى قالاسىنىڭ پوليتسيا دەپارتامەنتى راستادى.
پوليتسيا مالىمەتىنە سايكەس، جانجالعا 20 عا جۋىق ستۋدەنت قاتىسقان.
- بوستاندىق اۋداندىق پوليتسيا باسقارماسى 20 ادامعا قاتىستى بۇزاقىلىق بويىنشا قىلمىستىق ءىس قوزعادى. قاقتىعىسقا قاتىسۋشىلاردىڭ بارلىعى ۇستالىپ، پوليتسياعا جەتكىزىلدى. وقيعانىڭ بارلىق ءمان-جايى انىقتالىپ جاتىر، - دەپ حابارلادى قالالىق پ د باسپا ءسوز قىزمەتى.
ەسكە سالايىق، بۇعان دەيىن الماتى وبلىسىندا الىمجەتتىك جاساعان جاس وسپىرىمدەر ۇستىنەن ءىس قوزعالعانىن جازعانبىز.
سونداي-اق جاپپاي توبەلەس كەزىندە تانىسىن ابايسىزدا ءولتىرىپ العان اقتوبەلىككە سوت ۇكىمى شىققانىن جازعان ەدىك.
