الماتىدا «سەرگەكتىڭ» جاڭا قىزمەتى مىڭنان استام زاڭ بۇزۋشىلىقتى انىقتادى

الماتى. KAZINFORM - الماتىدا پيلوتتىق رەجيمدە 1 اي بۇرىن «سەرگەك» بەينەباقىلاۋ كامەرالارىنىڭ جاڭا فۋنكسياسى ىسكە قوسىلدى.

جاڭا قىزمەت قوسىلعان كامەرالار تەك ساتبايەۆ كوشەسىنىڭ بويىندا دوستىق داڭعىلىنان ءۋاليحانوۆ كوشەسىنە دەيىن ورناتىلعان. بەينەكامەرالار تۇراققا قويۋ ەرەجەلەرىن بۇزعان كولىكتەردى، ونىڭ ىشىندە ەكىنشى قاتارمەن قويىلعان كولىكتەردى انىقتايدى.

الماتى قالاسى پوليتسيا دەپارتامەنتىنىڭ مالىمەتىنشە، پيلوتتىق جوبا ىسكە قوسىلعاننان بەرى 948 زاڭ بۇزۋشىلىق تىركەلگەن. الايدا بەلگىلەنگەن ايىپپۇلداردىڭ سانى ءالى ناقتىلانباعان.

ەسكە سالايىق، جول قوزعالىسى ەرەجەلەرىنىڭ 87، 88-پۋنكتتەرىنە سايكەس، كولىكتىڭ باسقا كولىك قۇرالدارىنىڭ جۇرىسىنە مۇمكىندىك بەرمەيتىن (كىرۋ نەمەسە شىعۋ) نەمەسە باسقا كولىك قۇرالدارىنىڭ قوزعالىسىنا كەدەرگى كەلتىرەتىن (كەپتەلىس) ورىنداردا توقتاۋىنا بولمايدى. بۇل قاعيدالاردى بۇزعاندارعا 10 ا ە ك (39 مىڭ 320 تەڭگە) ايىپپۇل سالىنادى.

بۇعان دەيىن الماتىدا جول قاۋىپسىزدىگىن قامتاماسىز ەتۋ ءۇشىن «سەرگەك» اپپاراتتىق-باعدارلامالىق كەشەنىنىڭ (ا ب ك) 300 كامەراسى ورناتىلعانىن جازعانبىز.

سونداي-اق الماتىدا اۆتوتۇراق باعاسى قالاي وزگەرەتىنىن جازعان ەدىك.