الماتىدا ساندىقتار كورمەسى ءوتىپ جاتىر
الماتى. KAZINFORM -الماتىداعى مەملەكەتتىك ورتالىق مۋزەيدە ساندىقتار كوللەكتسياسىنىڭ كورمەسى ءوتىپ جاتىر. كورمەگە مۋزەي قورىنداعى 15 ساندىق قويىلدى.
مۋزەيدىڭ اعا عىلىمي قىزمەتكەرى رۇستەمبەك شويبەكوۆتىڭ ايتۋىنشا، قازاق قولونەرىندە ساندىقتار نەگىزىنەن قايىڭ جانە قاراتالدان جاسالعان.
ولاردىڭ كوپتەگەن ءتۇرى بار. كەبەجە ازىق- تۇلىك ساقتاۋعا ارنالعان.
سىرتى تەرىمەن قاپتالىپ، كۇمىس، مىس شىتىرلارىمەن، قاتىرما ويۋ-ورنەكتەرمەن بەزەندىرىلىپ جاسالاتىن ساندىقتىڭ ءتۇرى جاعلان دەپ اتالادى.
«جاسالۋ ماتەريالىنا، كولەمى مەن اتقاراتىن قىزمەتىنە وراي ساندىقتار جاعلان، كەبەجە، اباجا، ابدىرا، ابدىرە، اقىرەت ساندىق، قولساندىق، شايساندىق، اعاش ساندىق، سۇيەكتەلگەن، ويمىشتى ساندىق دەپ اتالادى. كولەمى شاعىنداۋ جانە نەعۇرلىم كىشكەنە كەلەتىن ءارجى، بوگىرە، بوگىرەباس، جاعدان، تەكشەساندىق دەگەن تۇرلەرى دە بار»، - دەدى ول.
كورمەگە 15 ساندىق قويىلدى.
ونىڭ باسىم بولىگى ورتالىق مۋزەي قورىنداعى ⅩⅩ عاسىردى قامتيتىن جانە ءار جىلدارى ەلىمىزدىڭ ءتۇرلى وڭىرىنەن جيناقتالعان ساندىقتار.
كورمە ۇلتتىق ءداستۇرى مەن حالقىنىڭ مادەنيەتىن تەرەڭ تانىعىسى كەلەتىن ءاربىر ازاماتقا قۇندى اقپارات بەرەدى.
