الماتىدا راقىمجان قوشقاربايەۆتىڭ 100 جىلدىعىنا ارنالعان كورمە اشىلدى
الماتى. KAZINFORM - الماتى مۋزەيىندە جەڭىس تۋىن تىككەن حالىق قاھارمانى راقىمجان قوشقاربايەۆتىڭ تۋعانىنا 100 جىل تولۋىنا وراي «ەرلىكتىڭ وشپەس داڭقى» اتتى كورمە اشىلدى.
ەكسپوناتتار ق ر قارۋلى كۇشتەرىنىڭ اسكەري-تاريحي مۇراجايىنىڭ جانە الماتى مۋزەيىنىڭ قورىنان الىنعان.
كورمەگە 50 دەن استام جادىگەر قويىلدى. سونىمەن قاتار ەكسپوناتتار اراسىندا وزگە دە مايدانگەرلەردىڭ قۇندى زاتتارى بار.
اتاپ ايتار بولساق، جاۋىنگەرلەردىڭ فوتوسۋرەتتەرى، قۇجاتتارى مەن ماراپاتتارى، سوعىس كەزىندەگى قارۋ-جاراقتار قويىلعان. سونداي-اق كەڭەس وداعىنىڭ باتىرى، تاۋەلسىز قازاقستاننىڭ تۇڭعىش قورعانىس ءمينيسترى، حالىق قاھارمانى، ارميا گەنەرالى ساعادات نۇرماعامبەتوۆ جانە 1945-جىلى جەڭىس شەرۋىنە قاتىسقان، قازاق ك س ر ىشكى ىستەر ءمينيسترى - اندرەي گەورگيەۆيچ پلاتايەۆتىڭ اسكەري كيىمدەرى مەن مەدالدارى دا كورمە ەكسپوزيتسياسىنا قويىلدى.
كورمە 13-مامىرعا دەيىن جالعاسادى.
