الماتىدا قوقىس جاشىگىنە قانداي قالدىقتى سالۋعا بولمايدى
الماتى. KAZINFORM - الماتىدا ەسكى جيھازدار مەن قۇرىلىس قالدىقتارىن قوقىس الاڭدارىندا قالدىرۋعا تىيىم سالىنادى.
الماتى اكىمدىگىنەن ءمالىم ەتكەندەي، قازىر قالادا كونتەينەرلىك الاڭداردىڭ ىرگەلەس اۋماقتارىندا ءىرى كولەمدى قوقىستاردى جيناۋ وزەكتى ماسەلەگە اينالدى. تۇرعىندار ەسكى جيھازدى، ىستەن شىققان تۇرمىستىق تەحنيكانى، سانتەحنيكالىق بۇيىمداردى قالدىرۋدى ادەتكە اينالدىرعان.
«ايتا كەتۋ كەرەك قوقىس جينايتىن ماشينالار ۇلكەن كولەمدەگى قوقىستار مەن قۇرىلىس قالدىقتارىن شىعارا المايدى، ويتكەنى بۇل تەحنيكانىڭ نىعىزداۋ اپپاراتىن ىستەن شىعارۋى مۇمكىن.
«الماتى قالاسىنىڭ اۋماعىن اباتتاندىرۋ ەرەجەلەرىنە» سايكەس ءىرى كولەمدى قوقىستاردى (قالدىقتاردى) شىعارۋ كاسىپورىنداردىڭ، مەكەمەلەردىڭ جانە جەكە تۇلعالاردىڭ وزدەرى نەمەسە قوقىس شىعاراتىن كاسىپورىندار جۇرگىزەدى»، - دەپ اتاپ ءوتتى اكىمدىكتەن.
ۇيدە جوندەۋ جۇمىستارىن جۇرگىزەتىن تۇرعىندار، سونداي-اق ءىرى كولەمدى قوقىستار پايدا بولعان كەزدە مامانداندىرىلعان ۇيىمدارعا حابارلاسىپ، اقىلى تەحنيكانى شاقىرۋى نەمەسە قالدىقتاردى پوليگونعا ءوز بەتىنشە شىعارۋى ءتيىس.
پوليگوندار الماتى وبلىسىندا، ىلە اۋدانىندا جانە قاراساي اۋدانىندا ايتەي اۋىلىندا ورنالاسقان.
«اكىمشىلىك قۇقىق بۇزۋشىلىق تۋرالى» ق ر كودەكسىنىڭ 505-بابىنا سايكەس اباتتاندىرۋ قاعيدالارىن بۇزۋ جەكە تۇلعالارعا - جيىرما ا ە ك، شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا - وتىز ا ە ك، ورتا كاسىپكەرلىك سۋبەكتىلەرىنە - قىرىق ا ە ك، ءىرى كاسىپكەرلىك سۋبەكتىلەرىنە- جيىرما ا ە ك مولشەرىندە ەسكەرتۋ جاساۋعا نەمەسە ايىپپۇل سالۋعا اكەلەتىنىن ەسكەرگەن ءجون.
الماتى پوليتسيا دەپارتامەنتىنىڭ اقپاراتى بويىنشا، وسى باپقا قاتىستى قالانى اباتتاندىرۋ ەرەجەلەرىن بۇزعانى، ينفراقۇرىلىم وبەكتىلەرىن جانە جاسىل جەلەكتەردى قيراتقانى ءارى بۇلدىرگەنى ءۇشىن 2024-جىلدىڭ 6 ايىندا 11577 بۇزۋشىلىق تىركەلىپ، 32749200 تەڭگەگە ايىپپۇل سالىندى.
