الماتىدا قوعامدىق كولىكتە جول ءجۇرۋ اقىسى وزگەرەدى

Автобус
Фото: Астана қаласының әкімдігі

الماتى. KAZINFORM - الماتىدا قوعامدىق كولىكتە جول ءجۇرۋ اقىسى 20 تەڭگەگە كوتەرىلۋى مۇمكىن. قالا اكىمدىگىنىڭ قاۋلى جوباسى قوعاممەن تالقىلانۋ ءۇشىن «اشىق ن ق ا» سايتىندا جاريالاندى.

قالالىق موبيلدىلىك باسقارماسى ءمالىم ەتكەندەي، 80 تەڭگەلىك تاريف 2011 -جىلدان بەرى وزگەرمەدى، تەك بىلتىر عانا 20 تەڭگەگە ءوستى. قازىر الماتىدا قوعامدىق كولىكتەگى ءتاريفتىڭ قۇنى قولما- قول اقشاسىز تاسىلمەن تولەگەن كەزدە 100 تەڭگە، ال قولما-قول تولەگەن كەزدە 200 تەڭگە مولشەرىندە بەلگىلەنگەن.

بۇل رەتتە، ۆەدومستۆو وسى جىلى قوعامدىق كولىكتە جول ءجۇرۋ ءۇشىن ورتاشا تاريف 310 تەڭگە، ال كەيبىر مارشرۋتتا 400 تەڭگەگە جەتەتىنىن اتاپ ءوتتى. وسىعان بايلانىستى جىل سايىن تاسىمالداۋشىلارعا تولەنەتىن سۋبسيديا مولشەرى وسۋدە.

ەگەر 2023 -جىلى 68,7 ميلليارد تەڭگە بولىنسە، 2024 -جىلى سۋبسيديانىڭ بولجامدى سوماسى 97,3 ميلليارد تەڭگەگە دەيىن ارتتى. وسىلايشا، قازىرگى تاريف بويىنشا سۋبسيديالاۋ مولشەرى ۇنەمى ءوسىپ وتىرادى، بۇل جەرگىلىكتى بيۋدجەت ءۇشىن شامادان تىس بولۋى مۇمكىن.

«قالا تاسىمالداۋشىلارى قولدانىستاعى تاريف تاسىمالداۋشىلاردىڭ اۆتوبۋس ساتىپ الۋعا، جاڭارتۋعا جانە ۋاقىتىلى قىزمەت كورسەتۋگە، سونداي-اق جۇرگىزۋشىلەردىڭ جالاقىسىن كوتەرۋگە جۇمساعان شىعىندى وتەمەيدى دەپ بىرنەشە رەت مالىمدەدى. تاسىمالداۋشىلارعا جانە جەرگىلىكتى بيۋدجەتكە جۇكتەمەنى ءىشىنارا ازايتۋ ماقساتىندا قالالىق قاتىناستاردا جولاۋشىلار مەن باگاجدى اۆتوموبيلمەن تۇراقتى تاسىمالداۋعا تاريف بەلگىلەۋ تۋرالى قالا اكىمدىگى قاۋلىسىنىڭ جوباسى دايىندالدى. جوبا جول ءجۇرۋ ءتاريفىن 120 تەڭگەگە دەيىن كوتەرۋدى كوزدەيدى. تيىسىنشە، ازاماتتاردىڭ جەڭىلدەتىلگەن ساناتتارى ءۇشىن جول ءجۇرۋ قۇنى ءتاريفتىڭ %50 ى بولادى»، - دەلىنگەن باسقارمانىڭ حابارلاماسىندا.

سونىمەن قاتار قوعامدىق كولىكتە جولاۋشىلاردىڭ قاۋىپسىزدىگىن قامتاماسىز ەتۋ ماقساتىندا جول ءجۇرۋ اقىسىن قولما-قول اقشامەن تولەۋدى جويۋ كوزدەلگەن. قالالىق موبيلدىلىك باسقارماسى جاڭا تاريف كەزىندە سۋبسيديالاۋدىڭ بولجامدى كولەمى 2024 -جىلى 7 ميلليارد تەڭگەدەن استامعا قىسقاراتىنىن جەتكىزدى.

«بۇل قالا تۇرعىندارىنىڭ تالابىن ەسكەرە وتىرىپ، قوعامدىق كولىكتە كوپ ءجۇرۋدى ارتتىرۋعا قوسىمشا قارجى جۇمساۋعا ىقپال ەتپەك. ماسەلەن، 2023 -جىلى قالا اكىمدىگى 600 جاڭا اۆتوبۋس پەن 100 تروللەيبۋس ساتىپ الدى. بيىل قوسىمشا 600 اۆتوبۋس، 100 تروللەيبۋس جانە 100 ەلەكتروبۋس ساتىپ الۋ جوسپارلانعان. بۇل تەحنيكالاردى ساتىپ الۋعا 160 ميلليارد تەڭگەدەن استام قاراجات ءبولىندى. بۇعان قوسا، جەكە تاسىمالداۋشىلار 2023 -جىلى 550 اۆتوبۋس، 2024 -جىلى 400 گە جۋىق جاڭا اۆتوبۋس ساتىپ الۋدى جوسپارلاعان»، - دەپ اتاپ ءوتتى باسقارمادان.

بيىل BRT، LRT جانە مەترو سياقتى جەدەل قوعامدىق كولىكتى دامىتۋدى كوزدەيتىن كولىك ينفراقۇرىلىمىن شەبەر جوسپارىن جۇزەگە اسىرۋ باستالدى. 2030 -جىلعا قاراي قالادا ۇزىندىعى شامامەن 300 ك م بولاتىن 42 كولىك ءدالىزى قۇرىلادى، بۇل قالاداعى تۇرعىن ءۇي اۋماعىنىڭ تورتتەن ءۇش بولىگى. سونداي-اق جولاقىسىن تولەۋ جانە تەگىن تاسىمالداۋدا تاريفتىك ءمازىر ازىرلەنەدى.

سوڭعى جاڭالىقتار