الماتىدا قۋراعان التى مىڭ اعاش كەسىلەدى

Ағаш кесу
Фото: Алматы әкімдігі

الماتى. KAZINFORM - مەگاپوليستە 26-ماۋسىم مەن 6-شىلدە ارالىعىندا وتەتىن «الماتى جازى» اكسياسى اياسىندا سانيتارلىق ماقساتتا 6 مىڭ اعاش كەسىلەدى.

قالا اكىمدىگىنەن اتاپ وتكەندەي، اپاتتى جاعدايداعى اعاشتاردى سانيتارلىق ماقساتتا كەسۋ قالا تۇرعىندارىنىڭ قاۋىپسىزدىگىن قامتاماسىز ەتەدى.

بۇل جۇمىستار الماتى قالاسى اكىمدىگىنىڭ ەرەكشە باقىلاۋىندا.

«اعاشتاردى سانيتارلىق ماقساتتا كەسۋدىڭ ۋاقىتىلى جۇرگىزىلمەۋى ادامعا جانە مۇلىككە زيان كەلتىرۋى مۇمكىن. وسىعان بايلانىستى اۋرۋ جانە قۋراعان اعاشتاردى سانيتارلىق ماقساتتا كەسۋ، قاتتى جەل مەن نوسەر كەزىندە بۇتاقتاردىڭ قۇلاۋ قاۋپىن ازايتادى»، - دەپ حابارلادى اكىمدىكتەن.

اكسيا بارىسىندا قاۋىپتى ەڭىستە وسكەن اۋرۋ جانە قۋراعان اعاشتاردى كەسۋ قاراستىرىلعان. ونىڭ ورنىنا 10 ەسە كوپ مولشەردە كوشەت وتىرعىزىلادى.

بۇل ناۋقان ادامداردىڭ قورشاعان ورتاعا ۇقىپتى قاراۋىن قالىپتاستىرۋعا، حالىق اراسىندا جوعارى ازاماتتىق جاۋاپكەرشىلىككە تاربيەلەۋگە، ەكولوگيالىق مادەنيەتتى ارتتىرۋعا ارنالعان.

بۇعان دەيىن «الماتى جازى» اكسياسى باستالعانى تۋرالى جازعان ەدىك.

ەسكە سالايىق، پرەزيدەنت تازا قازاقستان - كوزبوياۋشىلىق جاسايتىن سەنبىلىك ەمەس ەكەنىن ەسكەرتكەن.

كەيىن مەملەكەت باسشىسى قاسىم-جومارت توقايەۆ «تازا قازاقستان» رەسپۋبليكالىق ەكولوگيالىق اكسياسى اياسىندا ۇيىمداستىرىلعان جالپىقالالىق سەنبىلىككە قاتىسىپ، ەلورداداعى «ۇلىتاۋ» اللەياسىندا اعاش وتىرعىزعان بولاتىن.

سوڭعى جاڭالىقتار