الماتىدا قازاق حالقىنا العىس ايتۋ كۇنىنە وراي قانداي ءىس-شارالار وتەدى

الماتى. KAZINFORM - الماتىدا العىس ايتۋ كۇنىنە ارنالعان ءىس-شارالار 25- اقپاندا باستالادى.

مەرەكە اياسىندا مادەني- الەۋمەتتىك ءىس-شارالار وتەدى:

- 25- اقپان - قازاقستان حالقى اسسامبلەياسىنىڭ ەتنومادەني بىرلەستىكتەرىنىڭ شىعارماشىلىق ۇجىمدارىنىڭ كونسەرتى وتەدى.

- 28- اقپان - قارتتار ۇيىندە قايىرىمدىلىق تۇسكى اس بەرىلەدى.

- 1- ناۋرىز - دوستىق ۇيىندە قازاقستان حالقى اسسامبلەياسى انالار كەڭەسىنىڭ قولونەر كورمەسى وتەدى. نەمىس ۇيىندە «ءارتۇرلى شىعۋ تەگى - تەڭ مۇمكىندىكتەر» وتباسىلىق قوناق بولمەسى، سونداي-اق مۇقتاج جاندارعا كومەك كورسەتۋگە ارنالعان قايىرىمدىلىق اكسياسى ۇيىمداستىرىلادى.

- 2- ناۋرىز - مەدەۋ اۋدانىنىڭ كوميۋنيتي ورتالىعىندا فلەشموب وتەدى.

قازاقستان حالقى اسسامبلەياسى مۇشەسى ەرشات اسماتوۆتىڭ ايتۋىنشا، «قازاقستاندا العىس ايتۋ كۇنى - ەلىمىزدە ءومىر سۇرەتىن بارلىق حالىقتاردىڭ قۇرمەتى مەن بىرلىگىنىڭ سيمۆولى.

- مەرەكەنىڭ باستى يدەياسى - قازاقستانداعى حالىقتار دوستىعىن، ەتنوسارالىق جانە كونفەسسياارالىق كەلىسىمدى نىعايتۋ. قازاقستان حالقى اسسامبلەياسى ونى ۇيىمداستىرۋدا نەگىزگى ءرول اتقارادى جانە قوعامنىڭ بىرلىگىن ارتتىرۋعا باعىتتالعان ءتۇرلى جوبالاردى جۇزەگە اسىرادى. بۇل كۇن ءارتۇرلى ەتنوس وكىلدەرىنىڭ قيىن كەزەڭدەردى ەسكە الىپ، قازاق حالقىنا باۋىرمالدىعى، قوناقجايلىعى مەن قامقورلىعى ءۇشىن العىس ايتاتىن ۋاقىتى. بۇل تاريحي جادىمىزدى ساقتاۋعا، ءوزارا قۇرمەت پەن قوعامداعى بىرلىكتى نىعايتۋعا كومەكتەسەدى، - دەپ اتاپ ءوتتى اسماتوۆ.

1- ناۋرىز - العىس ايتۋ كۇنى. ەلىمىزدە بۇل كۇن 2016 -جىلى 14- قاڭتاردا مەرەكە رەتىندە جاريالانعان بولاتىن.

اۆتور

الما مۇقانوۆا