الماتىدا قاڭتار وقيعاسىنا قاتىستى بىرنەشە ايىپتالۋشىعا سوت ۇكىمى شىقتى

الماتى. KAZINFORM - الماتى قاڭتار وقيعاسىنا قاتىستى 45 ايىپتالۋشىنىڭ ءىسى قارالىپ جاتىر.

дикий арман
Фото: "ҚазАқпарат" ХАА

ايىپتالۋشىلار اراسىندا ارمان جۇماگەلديەۆ، الماتى ءماسليحاتىنىڭ بۇرىنعى دەپۋتاتى قايرات قۇدايبەرگەن، ۇ ق ك بەسىنشى دەپارتامەنتىنىڭ بۇرىنعى باسشىسى رۋسلان ىسقاقوۆ تا بار.

ولارعا بيلىكتى نەمەسە لاۋازىمدىق وكىلەتتىكتەردى اسىرا پايدالانعانى (ق ك-نىڭ 362 - بابى)، ۇيىمداسقان قىلمىستىق توپتى قۇرعانى، وعان باسشىلىق جاساعانى جانە وعان قاتىسقانى (ق ك-نىڭ 262-بابى)، توناعانى (ق ك-نىڭ 191- بابى)، زاڭسىز باس بوستاندىعىنان ايىرعانى (ق ك-نىڭ 126- بابى)، 2022 -جىلعى قاڭتارداعى جاپپاي تارتىپسىزدىكتەردى ۇيىمداستىرعانى جانە وعان قاتىسقانى (ق ك-نىڭ 272-بابى)، بانديتيزم (ق ك 268-بابى) ءۇشىن ايىپ تاعىلدى.

سوتتا ءىسى قارالعان بىرنەشە ايىپتالۋشى 3 جىلعا باس بوستاندىعىنان ايىرىلدى. قاماۋدا ۇستاۋ ۋاقىتىن ەسكەرە وتىرىپ، ولار وتەلگەن مەرزىمگە بايلانىستى جازادان بوساتىلدى.

ەسكە سالايىق، 2022 - جىلى الماتىدا پوليتسەيلەر قىلمىس الەمىنىڭ بەدەلدىسى ارمان جۇماگەلديەۆتى ۇستاعان بولاتىن.

2023 - جىلى قىركۇيەك ايىندا الماتى ماڭىنداعى № 72 تۇزەۋ مەكەمەسىنىڭ تەرگەۋ يزولياتورىندا ءماسليحاتتىڭ ەكس- دەپۋتاتى قايرات قۇدايبەرگەن مەن ارمان جۇماگەلديەۆكە قاتىستى سوت پروتسەسى باستالدى.

سوڭعى جاڭالىقتار