الماتىدا قالانىڭ قاق ورتاسىندا دريفت جاساعان جۇرگىزۋشى 10 كۇنگە قامالدى

الماتى. KAZINFORM - جول ەرەجەسىن بۇزعان 31 جاستاعى جۇرگىزۋشى ۇستادى.

الماتى قالاسى پوليتسيا دەپارتامەنتىنىڭ مالىمەتىنشە، «لەكسۋس» كولىگىن باسقارعان ەر ادام اباي داڭعىلى مەن جاروكوۆ كوشەسىنىڭ قيىلىسىندا دريفت جاساپ، جول قوزعالىسىنىڭ باسقا قاتىسۋشىلارىنا قاۋىپ توندىرگەن.

ونى المالى اۋداندىق پوليتسيا باسقارماسىنىڭ قىزمەتكەرلەرى ۇستادى.

سوت قاۋلىسىمەن قۇقىق بۇزۋشى 10 تاۋلىككە اكىمشىلىك قاماققا الىندى.

- سوڭعى كەزدە، اسىرەسە، جاس جۇرگىزۋشىلەردىڭ جول قوزعالىسى ەرەجەلەرىن ورەسكەل بۇزۋ دەرەكتەرى جيىلەپ كەتتى. مۇنداي ارەكەتتەر تەك زاڭسىزدىق عانا ەمەس، سونداي-اق باسقا جول قوزعالىسىنا قاتىسۋشىلاردىڭ ءومىرى مەن دەنساۋلىعىنا ناقتى قاۋىپ توندىرەدى. مۇنداي دەرەكتىڭ بارلىعىنا زاڭ شەڭبەرىندە قاتاڭ تۇردە شارا قولدانامىز. زاڭ مەن ءتارتىپ - قاۋىپسىز ءومىردىڭ نەگىزى، - دەدى جەرگىلىكتى پوليتسيا قىزمەتى باسقارما باستىعىنىڭ ورىنباسارى تيمۋر نوعايبايەۆ.

ەسكە سالايىق، بۇعان دەيىن الماتىدا كۇزەتشىنى كولىكپەن باسىپ ولتىرگەن ەر ادام 22 جىلعا سوتتالعانىن جازعانبىز.

اۆتور

دوسبول اتاجان