الماتىدا قالا كۇنىندە قايدا بارۋعا بولادى
الماتى. KAZINFORM - قىركۇيەكتىڭ ءۇشىنشى جەكسەنبىسىندە الماتىدا قالا كۇنى تويلانادى. بيىل مەرەكەگە وراي بالالارمەن قاتار، ەرەسەكتەرگە دە قىزىقتى بولاتىن 150 دەن استام ءارتۇرلى فورماتتاعى ءىس-شارا جوسپارلانعان.
الماتى كۇنىن تويلاۋ كەزىندە قالاداعى مەترو ناعىز ونەر الاڭىنا اينالادى. مۇندا جونگلەرلەر، اكروباتتار، سيمفونيالىق جانە دجاز وركەسترلەرى ونەر كورسەتەدى. مەترو بەكەتتەرىندە قالا مۋزەيلەرى، كىتاپحانالارى جانە مەملەكەتتىك ارحيۆ ۇيىمداستىرعان ۇلكەن كورمە وتەدى.
جالپى قىركۇيەك ايىنىڭ سوڭىنا دەيىن اۋقىمدى مادەني باعدارلاما ازىرلەنگەن. الماتىلىقتاردى العاشقىلاردىڭ ءبىرى بولىپ «دوس- مۇقاسان» قۇتتىقتايدى. اتى اڭىزعا اينالعان ءانسامبلدىڭ كونسەرتى 11-قىركۇيەكتە ساعات 19:00 دە «الاتاۋ» ءداستۇرلى ونەر تەاترىنىڭ الدىندا وتەدى. ودان كەيىن ءدال وسى الاڭدا ساعات 20:00 دە «مۋزارت» توبىنىڭ كونسەرتى باستالادى. كىرۋ تەگىن. سونىمەن قاتار، 11 -قىركۇيەك ساعات 19:00 دە ارباتتا «الماتى ماحابباتىم» اتتى تەاترلاندىرىلعان كونسەرت وتەدى. «جاڭا عاسىر» تەاترىنىڭ ارتيستەرى رەترو اندەر مەن پوەزيا ارقىلى ميۋزيكل جانرىنداعى ەركىن شىعارماشىلىق اتموسفەراعا بولەمەك.
12-قىركۇيەكتە «الاتاۋ» ءداستۇرلى ونەر تەاترىنىڭ الدىندا ساعات 18:00 دە «ۇلى دالا ءۇنى» كونسەرتتىك باعدارلاماسى وتەدى. حالىق الدىندا Ulytau تانىمال ەتنو- روك توبى ونەر كورسەتەدى. كىرۋ تەگىن.
12-15-قىركۇيەك ارالىعىندا پانفيلوۆ كوشەسىندەگى ارباتتا ساعات 10:00 دەن 20:00 گە دەيىن الماتى كىتاپحانالارى «كىتاپ وقۋعا ساياحات» اتتى كۆەست وتكىزەدى. سونىمەن قاتار، 14-15-قىركۇيەكتە ساعات 11:00 دەن باستاپ ارباتتا جىل سايىنعى «كىتاپ fest» فەستيۆالى وتەدى. وعان قوسا، 12-قىركۇيەكتە ساعات 15:00 دە ش. ايمانوۆ اتىنداعى «قازاقفيلم» ۇلتتىق كينوستۋدياسىندا كينوستۋديانىڭ التىن قورىنداعى فيلمدەر كورسەتىلەدى.
13- قىركۇيەكتە ساعات 18:00دە «الاتاۋ» ءداستۇرلى ونەر تەاترىنىڭ الدىندا «الماتى كەشى» اتتى تەاترلاندىرىلعان كونسەرت وتەدى، 19:30 دا تەاتر ارتيستەرى «Qazaqsha تەراپيا» توبىنىڭ قاتىسۋىمەن «عاسىرلار ءۇنى» تەاترلاندىرىلعان كونسەرتىن ۇسىنادى.
14-قىركۇيەكتە ساعات 18:00 دە «الاتاۋ» ءداستۇرلى ونەر تەاترىنىڭ الدىندا Open Air Jaidarman وتەدى. اشىق اسپان استىنداعى كونتسەرتتە قالانىڭ ەڭ تانىمال كتك كوماندالارى ونەر كورسەتىپ، ۇمىتىلماس اسەر، قاعىتپا قالجىڭ، ادەمى ءازىل ۇسىنادى. كىرۋ تەگىن. ارتىنشا ساعات 20:00 دە «الاتاۋ» ءداستۇرلى ونەر تەاترىنىڭ الدىندا «ءان تەربەگەن الماتىم» رەترو كەشى ۇيىمداستىرىلادى.
14-قىركۇيەكتە ساعات 16:00 دە استانا الاڭىندا LuxFM راديوستانسياسىنىڭ فەستيۆالى ءوتىپ، وعان ميراس جۇگىنىسوۆ، ايقىن تولەپبەرگەن، Jazzdauren جانە Adam سياقتى تانىمال ارتيستەر قاتىسادى. كەشتىڭ باستى قوناعى - گرەممي سىيلىعىنىڭ يەگەرى، پروديۋسەر DJ Imanbek.
قالا كۇنى، 15-قىركۇيەكتە ساعات 10:00 دەن 21:00 گە دەيىن رەسپۋبليكا سارايىنىڭ الدىنداعى اباي الاڭىندا «الماتى - ءبىزدىڭ ورتاق ءۇيىمىز» اتتى اۋقىمدى وتباسىلىق فەستيۆال وتەدى. وسى جەردە ساعات 11:30 دا «الماتى - ارمان قالا!» ەسترادالىق كونسەرتى وتەدى، وعان ءجاميلا سەركەبايەۆا، وكتەم التايەۆ، قاراكوز سۇلەيمەنوۆا، جۇبانىش جەكسەن ۇلى، ديانا يسمايلوۆا، مۇقاسان شاحزادا جانە باسقا دا تانىمال ارتيستەر قاتىسادى. بالالار مەن جاسوسپىرىمدەرگە، سونداي- اق «TikTok» بەلسەندى قولدانۋشىلارىنا ارنالعان ەرەكشە فوتو جانە ۆيدەو الاڭدارى ۇيىمداستىرىلادى. فەستيۆال اياسىندا ساعات 19:00 دە YOLO HOUSE، BIP HOUSE جانە باسقا دا تانىمال تيكتوك جۇلدىزدارىنىڭ قاتىسۋىمەن كونتسەرت وتەدى.
ءداستۇر بويىنشا 15-قىركۇيەك كۇنى تۇڭعىش پرەزيدەنت اتىنداعى ساياباقتا ساعات 10:00 دە جىل سايىنعى «الما Fest» فەستيۆالى باستالادى. ءدال وسى ساياباقتا ساعات 16:30 دا «الماتى - سۇيىكتى قالام» كونسەرتى ءوتىپ، مەگاپوليس تۇرعىندارى مەن قوناقتارى ءۇشىن روزا رىمبايەۆا، نۇرعالي ءنۇسىپجانوۆ، باقتيار تايلاقبايەۆ، جۇبانىش جەكسەن، ديانا يسمايلوۆا جانە باسقا دا تانىمال ارتيستەر ونەر كورسەتەدى.
15-قىركۇيەك كۇنى ساعات 11:00 دەن باستاپ ارباتتا «تۋعان كۇنىڭمەن، الماتىم» فەستيۆالى ءوتىپ، قالا تۇرعىندارى مەن قوناقتارى سۋرەتشىلەر كورمەسىنە، قولونەرشىلەر جارمەڭكەسىنە، شەبەرلىك دارىستەرىنە جانە باسقا دا ءىس- شارالارعا قاتىسا الادى.
15-قىركۇيەكتە استانا الاڭىندا ساعات 17:00 دە ەسترادا جۇلدىزدارىنىڭ قاتىسۋىمەن Almaty Cover Show وتەدى. ساحنادا ناعيما ەسقاليەۆا، مەيرامبەك بەسپايەۆ، Kalifarniya, RaiM، نۇرلان مەن مۇرات، ARO، ەربولات قۇدايبەرگەن، قايرات تۇنتەكوۆ، ەركىن نۇرجانوۆ، ايدار تۇرعانباي جانە ت. ب. ونەر كورسەتەدى.
سونىمەن قاتار، مەرەكەلىك ءىس- شارالار قالانىڭ بارلىق اۋداندارىندا وتەدى:
- اۋەزوۆ اۋدانىندا «الماتى - سۇيىكتى قالا» مەرەكەلىك كونسەرتى 13-قىركۇيەك كۇنى ساعات 11:00 دە Family park دەمالىس ساياباعىندا وتەدى؛
- الاتاۋ اۋدانىندا «الماتى - مەنىڭ جۇرەگىمدە» مەرەكەلىك كونسەرتى 14-قىركۇيەك كۇنى ساعات 16:00 دە «الاتاۋ» ءدوت الدىندا وتەدى؛
- المالى اۋدانىندا «تۋعان كۇنىڭمەن، الماتى!» 13-قىركۇيەك كۇنى ساعات 15:00 دە گاندي اتىنداعى ساياباقتا وتەدى؛
- بوستاندىق اۋدانىندا «تۋعان كۇنىڭمەن، الماتى!» 13-14-قىركۇيەكتە ساعات 16:00دە Mega Almaty سوو اۋماعىندا وتەدى؛
- جەتىسۋ اۋدانىندا قالا كۇنىن مەرەكەلەۋ 13-قىركۇيەك كۇنى ساعات 18:00 دە قۇلاگەر ش/ا «گۇلدەر» ساياباعىندا وتەدى؛
- ناۋرىزباي اۋدانىندا «الماتى - ءبىزدىڭ ورتاق ءۇيىمىز» مەرەكەلىك كونسەرتى 14 - قىركۇيەك كۇنى ساعات 12:00 دە شۇعىلا ش/ا، 347 امفيتەاتر اۋماعىندا وتەدى؛
- تۇركسىب اۋدانىندا «الماتى - اسەم قالام» نەگىزگى اۋداندىق كونسەرتى 14 قىركۇيەك كۇنى ساعات 15:00 دە №6 وقۋشىلار ءۇيىنىڭ سكۆەرىندە كوركەمونەر ۇجىمدارىنىڭ، ق ر ەسترادا جۇلدىزدارىنىڭ جانە Live band قاتىسۋىمەن وتەدى؛
- مەدەۋ اۋدانىندا «تۋعان كۇنىڭمەن، الماتى!» 14-قىركۇيەك كۇنى ساعات 12:00 دە ورتالىق مادەنيەت جانە دەمالىس ساياباعىندا وتەدى؛
