الماتىدا مەترو جۇمىسى قايتا جانداندى
الماتى. KAZINFORM - الماتى مەتروپوليتەنى ساعات 16:30 دان باستاپ جۇمىسىن جالعاستىردى. قازىر شتاتتىق رەجيمدە ىستەپ تۇر.
«توتەنشە جاعداي كەزىندەگى جۇمىس جوسپارىنا سايكەس، قاۋىپسىزدىكتى قامتاماسىز ەتۋ ماقساتىندا ماماندار مەترو توننەلدەرىن تەكسەرۋ جۇمىستارىن جۇرگىزدى، مەترو اۋماعىندا ەشقانداي بۇزىلعان تۇس بولماعان»، - دەپ حابارلادى الماتى اكىمدىگىنەن.
الماتى قالالىق توتەنشە جاعدايلار دەپارتامەنتىنىڭ باسشىسى نۇرلان اتىعايەۆ باسپا ءسوز ءماسليحاتى بارىسىندا، مەترو حالىقتى جينايتىن جانە قابىلدايتىن ورىن ەمەس ەكەنىن اتاپ ءوتتى.
«كەز كەلگەن جەر سىلكىنىسى كەزىندە تىرشىلىكتى قامتاماسىز ەتۋدىڭ بارلىق جۇيەلەرى توقتاتىلادى - گاز بەرۋ وشىرىلەدى، ەلەكتر ەنەرگياسى اجىراتىلادى جانە سايكەسىنشە مەترودا توقتاتىلادى»، - دەدى توتەنشە جاعدايلار دەپارتامەنتىنىڭ باسشىسى بريفينگتە.
