الماتىدا مەملەكەتتىك جەرلەرگە قاتىستى الاياقتىق فاكتىسى اشكەرەلەندى
الماتى. KAZINFORM - الماتى قالاسىندا ا. ك. ءابدىجاپاروۆقا قاتىستى مەملەكەت مەنشىگىندەگى جەر تەلىمدەرىن الاياقتىق جولمەن يەمدەنۋ دەرەگى بويىنشا ايىپتاۋ ۇكىمى شىعارىلدى. بۇل تۋرالى ق م ا باسپا ءسوز قىزمەتى حابارلادى.
اتالعان قىلمىستىق ءىستى قما الماتى قالاسى بويىنشا دەپارتامەنتى جۇرگىزدى.
- انىقتالعانداي، الماتى قالاسى اكىمدىگىنىڭ قاۋلىسىمەن ۋاقىتشا پايدالانۋ قۇقىعى نەگىزىندە «الماتى» الەۋمەتتىك- كاسىپكەرلىك كورپوراتسياسى» ا ق- عا جۋكوۆ كوشەسى، 67-ۋچاسكە (2,3 گ ا) جانە جاماكايەۆ كوشەسى، 77-ۋچاسكە (6,3 گ ا) مەكەنجايلارىندا ورنالاسقان جەر تەلىمدەرى 5 جىل مەرزىمگە بەرىلگەن. بۇرىن «ازاماتتارعا ارنالعان ۇكىمەت» كوممەرتسيالىق ەمەس اكسيونەرلىك قوعامىنىڭ قىزمەتكەرى بولىپ جۇمىس ىستەگەن ءابدىجاپاروۆ جىلجىمايتىن مۇلىكتى تىركەۋ جۇيەسىنىڭ قالاي جۇمىس ىستەيتىنىن بىلە وتىرىپ، ۋاكىلەتتى ورگاندارعا جەر تەلىمدەرىن ۋاقىتشا پايدالانۋدان باس تارتۋ تۋرالى جالعان كەلىسىمدەر مەن جەر تەلىمدەرى جەكە مەنشىككە بەرىلدى دەگەن جالعان اكىمدىك قاۋلىلارىن تاپسىرعان، - دەلىنگەن حابارلامادا.
الايدا ءىس جۇزىندە مۇنداي قاۋلىلار اكىمدىك تاراپىنان شىعارىلماعان.
وسىنىڭ ناتيجەسىندە ول اتالعان جەر تەلىمدەرىن زاڭسىز تۇردە ءوزىنىڭ «ايشا گرۋپپ» ج ش س- ءنىڭ اتىنا قايتا تىركەگەن.
كەيىن بۇل جەر تەلىمدەرىن ءۇشىنشى تۇلعالارعا 1,3 ميلليارد تەڭگەگە ساتىپ جىبەرگەن.
سوتتىڭ سانكتسياسىمەن نارىقتىق قۇنى 13,6 ميلليارد تەڭگە بولاتىن جەر تەلىمدەرىنە تىيىم سالىندى.
سوت ۇكىمىمەن ءابدىجاپاروۆ قىلمىستىق كودەكسىنىڭ 190-بابى 4-بولىگى 2-تارماعى (ءىرى مولشەردەگى الاياقتىق) بويىنشا كىنالى دەپ تانىلىپ، وعان 7 جىل باس بوستاندىعىنان ايىرۋ جازاسى تاعايىندالدى.
جەر تەلىمدەرى مەملەكەت مەنشىگىنە قايتارىلدى، ولاردىڭ اۋماعىندا يننوۆاتسيالىق ح ا ب سالۋ جوسپارلانىپ وتىر.
