الماتىدا مەملەكەت ارالىق ىزدەۋدە جۇرگەن كۇدىكتى ۇستالدى
الماتى. KAZINFORM - الماتىدا 26 جاستاعى رەسەي ازاماتى ۋاقىتشا ۇستاۋ يزولياتورىنا قامالدى.

الماتى قالاسى پوليتسيا دەپارامەنتىنىڭ مالىمەتىنشە، ستانيسلاۆ كوناكوۆ ەسىرتكى قىلمىسىن جاساعانى ءۇشىن رەسەي فەدەراتسياسى مەملەكەتارالىق ىزدەۋگە جاريالانعان. سوت وعان بۇلتارتپاۋ شاراسى رەتىندە ءۇيقاماققا الۋ تۋرالى شەشىم قابىلداعان بولاتىن. الايدا كۇدىكتى قاشىپ كەتكەن.
- جەدەل- ىزدەستىرۋ شارالارىنىڭ ناتيجەسىندە قاشقىندى الماتى قالاسى پ د ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى قولعا ءتۇسىردى. ول قالاداعى تۇرعىن ۇيلەردىڭ بىرىندە جاسىرىنىپ جۇرگەن. كۇدىكتى ۋاقىتشا ۇستاۋ يزولياتورىنا قامالدى. ونى رەسەي فەدەراتسياسىنا ەكستراديتسيالاۋ ماسەلەسى شەشىلۋدە، - دەپ حابارلادى قالالىق پ د باسپا ءسوز قىزمەتى.
ەسكە سالايىق، بۇعان دەيىن ش ق و- دا ءبىر اي بويى ىزدەۋدە جۇرگەن الاياق اقمولا وبلىسىندا ۇستالعانىن جازعانبىز.