الماتىدا مايىتتەردى قورلاعان كۇزەتشىگە قاتىستى سوت ۇكىمى شىقتى
الماتى. KAZINFORM - الماتىدا مايىتتەردى قورلادى دەپ ايىپتالعان ءمايىتحانا كۇزەتشىسى الەكساندر بەليايەۆكە قاتىستى سوت ۇكىمى شىقتى.

جابىق سوت وتىرىسىندا مايىتتەردى قورلادى دەگەن ايىپپەن ب. -عا قاتىستى مەديتسينالىق سيپاتتاعى ماجبۇرلەۋ شارالارىن قولدانۋعا قاتىستى ءىس قارالدى.
- سوت ساراپتامالىق قورىتىندىلارعا سۇيەنە وتىرىپ، ب. -نىڭ ءوز ءىس-ارەكەتىن جاساۋ كەزىندە ەسى دۇرىس ەمەس جاعدايدا بولدى جانە سوزىلمالى پسيحيكالىق اۋرۋعا شالدىققان دەگەن قورىتىندىعا كەلدى، - دەلىنگەن حابارلامادا.
سوت قاۋلىسىمەن سوتتالۋشى ەسى دۇرىس ەمەس دەپ تانىلىپ، پسيحياتريالىق ستاتسيونارعا ماجبۇرلەپ ەمدەۋگە جىبەرىلدى.
ەسكە سالايىق، بىلتىر الماتىدا مايىتحانا كۇزەتشىسى قايتىس بولعان اداممەن جىنىستىق قاتىناس جاسادى دەگەن كۇدىككە ىلىنگەن ەدى.
كەيىن ق ر ادىلەت مينيسترلىگى الماتى قالاسىنداعى مايىتحانالاردىڭ بىرىندە بولعان نەكروفيليا جاعدايىنا قاتىستى تۇسىنىك بەرىپ، كۇدىكتى ادىلەت ورگاندارىندا جۇمىس ىستەمەيتىنىن مالىمدەدى.