الماتىدا پلاستيكالىق تەرەزە جاسايتىن سەح ورتەندى

пожар
Фото: Фото: кадр из видео

 الماتىدا بۇگىن تۇندە پلاستيكالىق تەرەزە جاسايتىن سەح وتقا وراندى، دەپ حابارلايدى Kazinform. الماتىدا وتقا ورانعان سەحتىڭ ۆيدەوسى الەۋمەتتىك جەلىدە تارادى. ۆيدەوداعى جازبادا ءورت «شاپاعات» شاعىن اۋدانىندا تۇنگى 3.00-4.00 اراسىندا بولعانى جازىلعان. 

الماتى قالالىق توتەنشە جاعدايلار دەپارتامەنتىنىڭ مالىمەتىنشە، ت ج د كۇشتەرى مەن قۇرالدارى 12 قازان تۇنگى ساعات 04:28-دە شاقىرۋدىڭ جوعارى دارەجەسى بويىنشا الاتاۋ اۋدانى، «شاپاعات» شاعىن اۋدانى، ۇيعىر كوشەسى، 57-ۇيگە جىبەرىلدى.

«ءورت ورنىنا جەتكەن ساتتە پلاستيكالىق تەرەزەلەردى جاسايتىن سەحتىڭ اشىق جالىنمەن ورتەنىپ جاتقانى انىقتالدى. ءورت كورشى ستوليارلىق سەحكە اۋىسا باستادى. ءورتتىڭ اۋماعى S=500 م2 قۇرادى. ءورتتى ءسوندىرۋ جوعارى جانعىش جۇكتەمەمەن (اعاش) جانە سۋ كوزدەرىنىڭ قاشىقتىعىمەن قيىندادى»، - دەپ حابارلادى قالالىق ت ج د-دا.

ءورت تاڭعى ساعات 06.18-دە وقشاۋلانىپ، ساعات 07.07 دە جويىلدى. قابىلدانعان شارالارمەن ءۇش تۇرعىن ءۇيدى (باتىستا، وڭتۇستىك پەن سولتۇستىكتە) جانە ۋاقىتشا ءۇي ورتتەن امان قالدى. سونداي- اق ورتتەن قازا تاپقاندار بولعان جوق.

ءورتتى سوندىرۋگە ت ج د- دان 73 ءورت ءسوندىرۋشى، 22 تەحنيكا، «الماتى سۋ» مەكەمەسىنەن 2 سۋارۋ جۋعىش كولىكتەرى جۇمىلدىرىلدى. ءورتتىڭ سەبەبى انىقتالۋدا.

سوڭعى جاڭالىقتار